農曆年初四,睡來唔錯,游水800m,沙田中心食麥記,晚飯4人食.

昨晚梳打粉泡埋對腳成12點半鐘至瞓,一覺6點鐘醒,老婆返工,瞓不返為有又笠個耳筒,手機看youtube,太多嘢看下,一看就8點鐘,攰攰哋下又瞓返.
瞓至10點鐘醒,望吓個市,嘩!恆指跌成700多點,乜世界呀,越跌越有,咁跌法,未來經濟一定瓜直.

起來老婆又貼下字條,晾咗D衫,無奈為有照辦,還未晾,個新抱起床出來,為有讓讓她梳洗返工,新抱梳洗完,我才晾衫,大桶衫大多是新抱的,實在太愛清潔,好不容易才晾好,新抱出來,還好都說句唔好意思,勞煩你,還好有句安慰話.

搞掂洗埋個面搞早餐,個女瞓醒返工,早餐依然無麵包,還是鮮奶麥皮加幾塊消化餅食算,餐後11點鐘,量血壓,132/75-55,唉!總算回落,食埋今早藥,辦埋個大事又11點40分,新抱出門番工.

 上陣網又12點多鐘,無所事事點呢?諗吓都係去游水,執好游水嘢,看埋午間新聞就行人.

單車過源禾路泳池,過到去1點40分,換妥泳褲池面熱身,陽光普照,非常暖吓,泳客出乎哋多人,粗略數吓都有40幾人.

稍熱身下水,有點涼吓,游佢50m,個身才叫做適應番,無游好幾天,諗住游600m算,一條氣游夠600m,見還有時間,決定游埋嗰200m,兩點38分搞掂走人.

更衣室見呀王開工,眼見兩個客都比利是過佢,証明佢人緣夠,沖完個靚涼,大鑊無帶梳,為有用我五指梳找找,頭髮打晒結,成個金毛獅王咁,還未搞掂,老婆已經來電,來個約定沙田中心食麥記喎.

 

換妥衣服同呀王say good bye ,過到麥記,老婆稍後才到,還好都有個對號位,同老婆一包一餐43蚊,吃夠坐夠買餸.

先行百佳無嘢啱買,獨買咗9.9麥方包走人,過沙田街市,魚擋鹹水魚全線冚旗無開,獨係淡水魚賣,同老婆買半斤10魚胶,諗住買豆腐,誰知賣清光?

無偈下為有同老婆分道揚鑣,佢搭車回家街市看看,我就踩過大圍搏搏,過到大圍行轉街市,菜檔得零星幾擋,菜貴到飛起,老婆重話買蘿蔔?唔靚賣到5蚊斤,豆腐還是無,最後行入街市內,又好啵,幫襯開間豆腐擋,還有豆腐,還是買3.5蚊磚,豆卜8蚊4両,就買8蚊,最後買埋上海年糕10蚊走人.

回家都5點半鐘,買來有麥方包9.9蚊,魚胶10蚊,上海年糕10蚊,豆卜4両8蚊,豆腐一磚3.5蚊.

夜點我來煮飯,料有長椰菜,芥蘭,豆腐,蝦米,魚胶,豆卜同司華力腸.
 


 司華力腸炒芥蘭
 
 煎釀豆腐
 
 釀豆卜滾長椰菜.
 
 4個人食1夜返,留飯餸
 
飯後果火龍果.