睡來可以,腳還在痛,老婆放假,澳元做定期,行轉禾輋食麥記,瀝源,沙田街市買餸,遇戰友波哥,晚飯4人食.

昨晚搞兩搞成1點鐘至瞓,一覺7點鐘醒,瞓不返,為有又笠個耳筒,就矇矓到8點鐘醒,凍凍哋還是賴床,老婆放假瞓醒,賴床到10點幾鐘才起來.

起來腳還在痛,洗個面番熱木耳漿食,老婆早餐我就上陣網才食早餐,餐後以經11點40分,量血壓133/71-56又幾好,食今早藥,辦埋個大事又12點鐘,再量次血壓135/70-60,老婆放假做家務,我就上我網.
上輪網1點多鐘,想起啲蝕到呀媽唔認得的澳元,唉!不如轉回做定期,一星期兩星期就不得,為一個月定期,年息1.06%厘,搞掂後係時候同老婆街街.
來來去去都係行金寶徑,搭程車過禾輋,過到禾輋由低行起,先行吉豬,有睇無買便上一層,同老婆相量下食麥記,老人區下一包一餐33.
聽吓老人故事,遇啱隔鄰婆婆湊孫,我又傾兩句,同BB娛樂吓,吃後狂商場,無收獲下,以往一樣踱去瀝源,途中這裡歇歇腳,腳還在痛風大下還是要走.

續行到瀝源,759無折我都費事行,咁就行雞寶,雞寶買有柑桔12蚊,三文魚頭20蚊,豬展21.6蚊,然後踱去街市,買有魷魚筒同花蒼魚仔共25蚊.
離開街市,諗住買早餐麵包,見百佳要上一層,不如就金雅買磅算,誰知付錢時要11蚊,唉!都係唔益你,拿回10蚊上百佳,結果9.9蚊買磅軟方包,沿著商場過市廣場.
排隊坐車遇見久違波哥,嘩!波哥住隔鄰邨,但遇佢真係少之少,有緣遇佢當然拍個照,波哥今年76歲,精神樣貌我拍馬追不上?佢話老人院做義工喎,掃掃地推院友去覆吓診,做啲下欄嘢喎.
當年拍擋咁耐,下欄嘢又嘛佢做埋?上次見佢都唔知幾時事,又係講番同番話,問佢又有無見過同期戰友?還是嗰句無喎?每次叫他留個電號,總是說邊有時間吖,記然係咁,為有有緣再見,車上短短時間,為有盡訴戰友情況,手機相不能少,時間極短下,還好都能摷到過佢看,張石仔嶺戰友情況話佢知,話咁快我都要落車,差點樓梯扑落下,唉!歲月不饒人.

返歸樓下5點半鐘,老婆街市多買點餸,我就先行回家,老婆回來買有合掌瓜,茜芹同紅蘿蔔共15蚊.今日買餸錢合共108.5元.

回家老婆搞落煲湯,料有海底椰,豬展,南北杏,紅蘿蔔,合掌瓜同粟米.

夜點我來煮飯,料有鮮魷筒仔,西芹,韮菜花同花蒼魚仔.

麵豉蒸花蒼.

魷魚炒西芹.

魷魚炒韮菜花.

海底椰,南北杏,紅蘿蔔,合掌瓜,粟米煲豬展.



4個人食1夜返留湯飯餸.

飯後果柑桔.