失眠,腰骨痛,耳鳴重,過禾輋,公園返,晚煲粥炒米粉,三個人食.

昨日係咁易郁吓就累到不堪,11點零以經瞓,一覺4點多便醒,去個所就瞓不返,笠埋耳筒都係唔掂,5點多望住老婆起床返工,笠著耳筒一直捱到8點鐘,想唔起床都唔得?腰骨太痛.

起來著電腦洗面搞早餐食,耳鳴明顯重咗,是否同過勞有關?上陣網量血壓,140/77-53食今早藥,辦埋大事才9點05分再量次血壓125/67-55.
上陣網睇吓youtube又10點多,無嘢啱睇就轉看電視,個女瞓醒返工,看至1點多鐘老婆返,老婆上網遊戲,又攰又眼瞓的我,但又瞓唔著,兩點多都係叫老婆出街.
同老婆搭程車過禾輋,過到禾輋老婆問食乜,我話是但,老婆就立即叫飲茶,我話慳啲麥記啦,麥記還是兩個包,胃食咭買杯可樂新地配兩個批,合共24.6蚊.
吃吃下之際,硬係覺個包有點異味,望吓個蛋王藍籃哋色,聞吓蛋似乎係壞?老婆叫出去換,但個包食咗一半,諗吓麥記咁大間?都係出去換,唉!換來再打開睇吓,個蛋王都係唔原個,好似無咗忽,都係有少許藍色,但味道無剛才隻咁犀利,我諗成批蛋都係唔掂?都係唔食隻蛋.
吃後坐夠,又試吓麥記個wifi,真係一間間,有就有但好弱雞.連不到線,餐後同老婆行商場,最近新開了間360,老婆買兩件朱古力20蚊走人.
今日無須買餸,選擇踱公園返歸,同老婆行吓坐吓,我就介紹老婆睇我今早youtube精彩嘢,老婆在睇,我就不覺咁瞓著覺,瞓醒又續行,回到屋企樓下街市,買條蕃薯7.5返歸.

 回家處理今晚餐飯,料有米粉,有食不完燒肉同魷魚,老婆就煲落粥,
 
 夜開餐有燒豬骨粥,
 
 肉絲魷魚炒米粉
 
 三個人食1夜返留粥枌.