鼻塞塞多夢,睡來麻麻,烚烚吓在家,大圍食麥記,久違車場頂休憩處,晚飯4人食.

幾日來瞓得唔好,昨晚出完篇blog早點關機,睇琅琊榜,看完姿姿整整都係11點幾鐘至瞓,有夜所瞓到今早7點多啲鐘醒,多夢兼鼻感發作,鼻塞塞頂住頂住,唉!頻打噴嚏,好唔舒服,想賴多陣床都唔得?8點鐘為有爬起來.

睡來麻麻,起來鼻塞變鼻水,呻過不停,洗面番熱木耳漿食,上陣網早餐,量血壓,129/74-59,辦埋個可以大事又10點鐘,上陣網對眼攰到不堪,都係轉看電視,恰吓望吓又1點多鐘,老婆返,例牌上網玩佢遊戲.
又3點鐘lu,問聲老婆想點?餸就有不如淥麵食算,老婆又唔肯,咁就大圍啦,同老婆出門各有各行,我踩單車,老婆踱步,單車去到車公廟,老婆正在行緊.
過到大圍老地方,稍等老婆才到,大圍還是食麥記,一包一餐33,吃夠上夠網便行街市,菜價回落乜都平,靚靚節瓜賣到3蚊斤,同老婆一致8蚊兩份節瓜拼小棠菜.
買後遇見同座下層街坊理髮佬,又傾輪老人心得,條友年前死狗一樣,見襯佢就話就嚟C,話去攞身份証喎?(即係去睇醫生,看吓醫生批不批,)批就重獲身份証,唔批就c硬,年來見佢眉飛色舞,四圍都見到佢,最近行山喎?
離開個快活人,20蚊買兩份豬骨,中興梅菜15蚊斤,秤四棵14蚊走人,同老婆還是踱回家.
返到屋企樓下遊樂場,坐吓歇吓息,見幾條學生妹,排排坐有講有笑,立時想起少女時代.
 
坐陣望見對面棵影樹,樹頂開到遍紅色,於是上車場頂,諗住影番張相,幾拾年來都無上過來,以經裝修過改革過,又幾好啵?又靜又乾淨,同老婆坐陣嗲兩句,唔錯?
 
 遍佈紅色

拍完棵靚樹頂,坐陣休吓息,哈?見隻貓坐定定望乜呢?原來虎視眈眈兩隻雀,

真係好耐無上過嚟,行過後沿輪椅徑返回地下.
回家以經6點10分,買來有節瓜4蚊,小棠菜4蚊,梅菜14蚊,豬骨20蚊,合共消費42蚊.
回來老婆處理今晚個節瓜湯,我就上網寫今日Blog,個仔亦放工返到,新抱不用留飯餸喎,

寫blog不知時間過,又成8點鐘,嗱淋來煮飯煮個餸,
料有小棠菜4蚊,肉碎10蚊同些少梅菜.
 
肉碎會小棠菜,

節瓜煲豬骨



 4個人食1夜返留湯飯餸.

飯後果蕉同木瓜

 老婆織的冷衫揭曉,是自家的,個女回來,買個新玩意12蚊.
 
不求人,幾好吖.