半夜大雨撇醒,睡來唔錯,鼻水依然,大圍食麵食雪糕,晚飯5人食.

昨晚12點前都瞓,瞓至4點多,腳被雨水撇醒,老婆亦醒,齊齊起來嗱淋關窗,跟住一瞓8點鐘醒,睡來唔錯,鼻感又比昨晚好些,但起來鼻水依然,洗面搞早餐食,量血壓124/69-54食今早藥,辦埋大事9點半鐘.
上網看陣新聞又轉去youtube煲劇,花紅花火,一煲又12點鐘,關機看電視,1點多鐘老婆返,豬一樣撻響梳化瞓,我就續上網到3點鐘,拍醒老婆你點呀?我頂唔順啲鼻水,我一定要出街,才CC哋起來,一同搭程車過大圍.
過到大圍,同老婆去久違雲吞麵鋪食麵,老婆鯪魚球麵,我雲吞麵合共46元,麵後買餸,行轉街市老婆又口痕要食雪糕,每人又整杯軟雪糕,合共7蚊,吃後搭程車返歸.

回家5點15分,買來有紅莧菜5蚊,麥方包9.6蚊,瘦肉20蚊,星盆塞7蚊,茄瓜5蚊,39.6元.

7點45分煮飯,料有茄瓜5蚊,紅莧菜5蚊,瘦肉兩食20蚊,粟米1條2蚊,雞蛋3隻3蚊.
 
肉碎煮茄瓜,

粟米蒸水蛋,

瘦肉滾紅莧菜,



8點45分開飯,5個人食夜返留湯飯餸,今餐盛惠35蚊.