睡來唔錯,家居改革,按椅背上高,游水600m,沙田中心麥記,踱公園返,晚飯4人食.

昨晚11點零都瞓,一覺今晨7點多啲鐘便醒,睡來唔錯,賴床到8點多啲鐘起來,陽光普照,洗面木耳漿食,上陣網早餐,餐後量血壓,142/74-55,又會咁高?食過今早藥,辦大事麻麻,辦完9點26分再量次血壓126/71-59.
上陣網諗落都係做點嘢,按背墊擺多過用,都好想搞好耐,都係一個字(懶),襯個女未返都係搞咗佢好啲,坐言起行,攤開架生,整張櫈仔,又刨又收,幅墻鑽兩個0隆仔,兩口膠塞,兩口羅絲連皮帶收上去搞掂,搞掂清埋個場一個上午,係咁易郁吓,又同我鑲粒大大粒藍寶石?
 
1點多鐘,見咁好太陽,都係唔好懶,執好行裝去游水,去到單車處,有人叫聲,嚇了一跳,原來係老婆,游完水電聯啦.
過到池1點半鐘,還是舞雷公遠副池,稍熱身1點45分下水,200m 200m的游,湊夠600m走頭.
更衣室辦妥一切,至電個老婆想點?老婆總是無零兩可?不如就沙田中心食麥記.
由於老婆過來須時,又同呀王吹陣水,差不多鐘過麥記,老婆以經在等,同樣老婆話事,兩個包,1細薯條,喂食咭買兩樣,咖啡同新地樂,兩位盛惠40元.
 
 吃後坐輪買餸,行轉卜佳無嘢買,轉落沙田街市,買條魚肉6蚊,三文魚骨兩盒15蚊,豆腐4.5蚊走人,本來分道揚鑣,佢剩車我踩車?誰知老婆要行路,是但啦.
咁就穿過公園沿城河返,行吓坐吓,傾吓,又同老婆上課手機堂,返回自己街市,又行轉惠乜,買磅麥方包9.6蚊,街市買3扎莞茜7蚊,皮蛋兩隻5蚊同茶瓜3蚊返歸,今日買料合計50.1元.

返歸6點鐘,個仔已放工返,老婆處理買來菜料,我就上網寫陣我blog.
夜點我來煮飯,料有菜芯3.5蚊,莞茜7蚊,豆腐4.5蚊,茶瓜3蚊,魚肉6蚊,三文魚頭半個7.5蚊,三文魚骨7.5蚊.
 
 香煎三文魚頭,
 
腩汁灼菜心,

 最後牛蔔腩,

 皮蛋魚片魚骨茶瓜豆腐滾莞茜
 

 
又9點15分開飯,4個人食,1夜返留湯飯餸.