鄰居燒乳鴿,睡來尚可,甘筍茜芹汁,營盤街食粥,走轉鴨寮街買三樣,晚飯5人食.

昨晚10點多鐘,大門有聲,由於無門鐘,好耐才擦覺,原來鄰居邱太敲門,送上燒乳鴿一隻,好不好意思?原來個女早前同妹妹傾偈,得知妹妹媽咪生日,正前去龍華食乳鴿,個女多口話好食回來話佢知?咁邱太回來就送上隻我們試試喎?唉!真係不好意思.

無門鐘真係要諗諗計?老婆晨早就瞓,4人每人一舊,乳鴿點靚都無用,炸好即食還可,過後一點都不好食,吃後12點前我都瞓.

一覺今晨6點鐘,鼻水鼻半塞又到,為有笠個耳筒攝高枕邊呻邊瞓,結果都係瞓不著,為有早點出廳挨梳化瞓,望住個仔返工,以經7點多鐘,唉!索性早點洗面,早點食早餐,唉!鼻水呻不停?呻到咽喉都痛,量血壓136/78-55,食埋藥上網寫我今早事,辦埋件大事才9點鐘.

每日事續上網,煲陣劇又頂不住眼睏,要梳化瞓陣覺,一瞓11點半鐘,無所事事,雪柜料滿爆,不如清咁啲,拿包甘筍同茜芹出來,摷部老年無用過榨汁機出來,洗洗諗住榨炸啦,唉?個女又話用廚房煮嘢食,為有嗱淋洗淨啲甘筍同茜芹,拿出廳榨,還好還用得吓,三兩吓手搞掂,唉!都洗機就麻煩,拆極個胆都唔甩,左擰右擰拆咗好耐,後來用刀插入摩打度,刀尖頂住唔郁,才擰了出來,他媽的弄到我頭大汗,搞好一切以經1點多鐘,老婆以經返到,剛好有杯冰凍茜芹甘筍汁嘆吓.

我同老婆講不如出鴨寮街囉,老婆又話回來都要唞唞架?好 .
到兩多鐘才話行得,咁齊齊巴士出深水涉,還是營盤街下車,還是這間傳統粥店食粥,兩位44蚊.

吃後踱去鴨寮街,都唔理咁多,先行買咗隻手錶先,最經濟30蚊買隻,改改錶帶比錢走得.
買完錶行行睇睇,成條鴨寮街多數都係手機,風扇,慳電胆,啲電器嘢,又見新出手機風扇產品,又可太陽能充電,又可usb充電,80蚊套,又幾棧鬼,老婆心思思話買,我話冷靜啲,睇定啲,未買還可以擇,諗吓買風扇好過,拿出街又嘛咁大件嘢,諗落買風扇仔好過,同老婆繼續行,老婆話要去廁所,我就睇中咗把义電批賣368元,咁價錢有12V,買得過?於是又同老婆又行多圈格吓價,結果還是回來搏鎚,臨比錢時老婆又問吓把扇仔,結果28賣25成交,買完比錢,望吓張單何解286?明明368,原來計錯數,好彩醒目,唔係又買貴嘢,兩樣合共393元.

離開都6點鐘,嗱淋走人,還是南昌街多彩酒樓站搭巴士,平時來到燒味排晒大隊?今日又會無嘅?原來特價燒豬售罄,怪不得無人,見下欄燒肉還有,又整份20蚊,買後稍等巴士就到,剛好巴士返歸.

返回家街市4.8蚊買三條節瓜返歸.
返歸都7點鐘,買來有風扇仔25蚊,手錶隻30蚊,义電批368蚊.
 

 
搞掂處理啲燒肉,張肥的切走,肉還肉骨還骨,

處理好就煮飯,料有節瓜,西蘭花同燒肉.
 
 一搞又9點鐘開飯,4個人食1夜返留飯餸.

睡來還可,整朝呀茂整餅,大圍下午茶買餸,晚飯三人食.

前晚未瞓過,昨晚諗住睇場直播足球,德國對斯洛伐克,半場未完,12點半未夠都頂不住眼瞓,要上床去瞓,一覺6點鐘又被鼻水鼻半塞弄醒,無偈,為有攝高枕頭,邊呻邊瞓,還是唔掂,又走出廳梳趟著瞓,才慢慢瞓至9點鐘起來.
睡來算可,洗面弄早餐,上住網食,量血量140/74-57,辦大事又11點13分,大事其間又搞嘢,初學雞又搞套垃圾片玩吓,

 一搞又一個上午,又差不1點鐘,新抱放假喎?問奶奶放幾點工喎?我話就返啦,叫回來一起去飲下午茶喎?好.
1點多鐘老婆返,一等成兩點鐘,新抱還未出得門口,咁我就先出門,房置辦點事,搞掂先行單車過大圍,唉!見她們還未到?於是先行一定要買的東西,蒜頭同鈎仔.

 買後才上酒樓,至電她倆還未到,為有先行找位,搞掂開了茶,她倆才到,

一坐4點鐘新抱找數,茶後新抱要找郵局,咁就帶她過美林邨商場,搞掂佢所須,跟往帶她搭巴士,就拜拜.
送走新抱就行街市,行經老麥老婆又胃食,堅持要食雪糕,唉!遲早肥到出不到門口,又15蚊買杯送杯.

吃後續行街市,買滿單車一藍,又話要行回家,烈日當空,同老婆城河挨學校邊行,行吓坐吓,回家都6點半鐘,買來有惠乜威化餅3.9;蚊,香蕉10.4蚊,甘筍8.9蚊,壽司鋪三文魚骨兩盒16蚊,枸杞,涼瓜同燈籠椒三樣10蚊,蒜頭三串10蚊,鈎仔5蚊,全部合共64.2元

回家嗱淋搞掂隻鈎仔,按裝在大門鈎著,天熱好通風.

搞掂來煮飯,見有冷飯都係無為煮,泡個枸杞湯,煮個涼瓜算,料有枸杞3.3蚊,涼瓜1條1.7蚊,雞蛋4隻4蚊同小許梅菜.

蛋花枸杞湯,涼瓜梅菜炒蛋.

冷飯一碟,8點20分開飯3個人食.
 

從未如此未瞓過,老婆放假,馬輸10蚊,踱公園食老麥,瀝源買餐餸,晚飯5人食.

昨晚12點前都瞓,唉!誰知撻極都唔著,一直耐心地等,等至半夜鼻塞鼻水到,無偈?為有攝高枕頭不停哋呻,呻咗好耐,呻到床邊一堆廁紙,想話起來,但又怕夜嘛嘛下冷氣冷襯,到時重手尾長,呻到咁上下收歛,還是睡不著,閉著眼一直等,到個女落床,才望吓手機,以經7點多鐘,笠個耳筒賴到8點鐘起來,唉?我都不知自己有無瞓過?

起來新抱在返工,著部腦洗個面,老婆還在瞓,見手機爆晒棚,不如清清垃圾,9點多老婆才瞓醒,佢又開工,上網佢遊戲,我才來弄早餐,鮮奶麥皮,開罐鹹牛肉做蛋牛冶,同老婆兩份食,

餐後量血壓128/70-50,埋辦大事又10點40分.
兩公婆齊齊上網,稍稍看陣新聞,就續煲我劇,花紅花火,睇不到集零?對眼以經頂唔順,要在梳化瞓陣.
半醒下以經城市論壇,城大塌天花,嘥氣,咁大間學府,個天台種草裝泥,重量負荷咁大,一點驚覺都無?大佬一間大學學府,有識之仕,一點常識都無?簡直小學雞不如,現在才幾個乜會長工程師來講廢話,嘥氣.
個壇還未完我都轉台,一轉J2,乜跑咗第一場,咁就刨馬,第二場10蚊買條位置Q11搭14,結果11第三,14影都無,再踱吓下來馬仔,唉?佢識我,我唔識佢,都係慳番唔賭,上陣網還是街街.
星期日邊度都唔想去,同老婆踱公園,以往一樣同老婆踱到乙明對開公園坐陣,日頭相當猛,睇吓啲細路遊樂場嬉戲,坐夠就行去瀝源橋乘吓涼,

坐夠過橋大帳篷廣場行,跟住賓印大草坪行,又遇見食蕉珍,又傾兩句,然後沙田中心食麥記,超多人孖位難求,還好企咗一陣有位,往時一樣,一包一餐配粟米,飲奶茶33蚊.

坐夠行商場,老婆要買褲喎?結果佐記執兩條290元.搞掂就買餸,卜佳雞寶行兩度,買到老婆一袋我一袋,重特特孭餐C,搭程車又要等,回家都6點半有多,個仔已放工回來.
買來有雞寶雞蛋一排25蚊,雞醬20.9蚊,魚容燒賣兩包21.8,卜佳買有蠔油20蚊,澳州甘筍8.9蚊,西蘭花3個9.9蚊,西芹9.9蚊,街市買有蜜棗10蚊,青蘿蔔6.4蚊,合共132.8元

回家老婆嗱淋煲落湯,料有粟米芯,牛榜,甘筍同青蘿蔔.

7點40分來煮飯,料有西蘭花1個3.3蚊,粟米,雞扒1件7蚊,燒賣半包5蚊,甘菇2.5蚊,青豆,同南瓜.

煎雞扒,

南瓜甘菇蒸燒賣,

炒西蘭花

粟米芯青蘿蔔牛榜煲甘筍.



8點40分開飯,人齊5個人食.
 
飯後雪糕

睡來可以,鼻感似好點,整朝煲劇,剝粟米,行轉禾輋落大雨,食意樂,晚飯5人食.

昨晚12點前都瞓,一覺4點又被個鼻塞醒,好彩呻兩呻墊高啲枕頭又瞓返,一瞓就近8點鐘,賴床到9點鐘起來,洗面搞早餐食,量血壓130/78-56食今早藥,鼻水依然不停呻,但似乎好過昨日,上陣網辦埋個麻麻大事又10點22分.
 每日事上網,看陣新聞又續我近期套劇,花紅花火,煲至第七集,又感動到我老淚緃橫,套劇故事係老土啲,演員演來有點誇張,但無冷場夠緊湊,係幾好睇嘅,一煲又一個上午,又12點半鐘,係時候唞唞,結果望著電視又恰咗好一會.
1點多鐘老婆返,回來還是佢的事,上網玩佢遊戲,我就建設點做點事,就係粟米起粒粒,

一挑又兩點多鐘,係時候外出行吓.
還是搭程車過禾輋,禾輋食意樂,星期六人多,要稍等才有位,我來個沙爹牛通飲奶茶27蚊,老婆例牌食貴嘢,辣煙鴨胸炒天使麵飲檸水,兩位合共63蚊.

餐後續行商場,見四周暗暗黑黑,原來落大雨,沿著行人天橋過瀝源,大雨到連鞋亦濕透,過到瀝源商場,又見759有折,打到正6,公7,超8折,同老婆入去一掃又98蚊.

太大雨求其雞宝買兩件雞扒13蚊走人,太大雨不願多行,就直接踱去市廣場,搭程車返歸.
回家樓下街市,大雨到我先行回家,老婆入街市買有洋葱一粒2蚊,芥蘭5蚊.

回家6點鐘,嗱淋沖個涼,老婆就則則搏,為有我來處理今晚餐餸,料有雞扒1件6蚊,雞絲,芥蘭5蚊,西季豆,南瓜,粟米粒同青豆.



粟米青豆雞絲飯.
 
淥芥蘭菜,
 
 蒜頭豆是煮南瓜

 雞肉炒四季豆,

 5個人食1夜返留飯餸.

半夜大雨撇醒,睡來唔錯,鼻水依然,大圍食麵食雪糕,晚飯5人食.

昨晚12點前都瞓,瞓至4點多,腳被雨水撇醒,老婆亦醒,齊齊起來嗱淋關窗,跟住一瞓8點鐘醒,睡來唔錯,鼻感又比昨晚好些,但起來鼻水依然,洗面搞早餐食,量血壓124/69-54食今早藥,辦埋大事9點半鐘.
上網看陣新聞又轉去youtube煲劇,花紅花火,一煲又12點鐘,關機看電視,1點多鐘老婆返,豬一樣撻響梳化瞓,我就續上網到3點鐘,拍醒老婆你點呀?我頂唔順啲鼻水,我一定要出街,才CC哋起來,一同搭程車過大圍.
過到大圍,同老婆去久違雲吞麵鋪食麵,老婆鯪魚球麵,我雲吞麵合共46元,麵後買餸,行轉街市老婆又口痕要食雪糕,每人又整杯軟雪糕,合共7蚊,吃後搭程車返歸.

回家5點15分,買來有紅莧菜5蚊,麥方包9.6蚊,瘦肉20蚊,星盆塞7蚊,茄瓜5蚊,39.6元.

7點45分煮飯,料有茄瓜5蚊,紅莧菜5蚊,瘦肉兩食20蚊,粟米1條2蚊,雞蛋3隻3蚊.
 
肉碎煮茄瓜,

粟米蒸水蛋,

瘦肉滾紅莧菜,



8點45分開飯,5個人食夜返留湯飯餸,今餐盛惠35蚊.