鼻感發作,睡來還可,整日鼻水,大圍麥記兼買餸,晚飯三人食.

昨晚12點前都瞓,一覺4點多鼻敏感發作,鼻水引至打噴嚏,小掩痛得無得瞓,天氣又涼咗,嗱淋摷回張被,枕頭攝到坐一樣,挨住瞓,還好打夠噴嚏瞓返,一瞓就今晨7點多,賴床8點多鐘起來.

鼻水依然,頻頻呻住,洗面番熱木耳漿,弄早餐,見幾條腸仔昨晚忘記入雪柜,不如加隻蛋煎埋來食.
 
餐後量血壓126/72-58,食今早藥,拿埋手機辦大事,辦來唔錯,辦埋又10點多啲鐘,又開始我每日事上網,看陣新聞無乜好睇,見昨晚忙著寫blog,無睇到無綫套劇琅琊榜,不如就mytv睇番,一看又11點幾鐘,上多陣網又12點鐘,關機看電視,新抱出來?原來還放假,孖day喎.
1點多鐘老婆返,又會咁遲返,行路喎?係咪減肥呀,竟然唔出聲?重覆問多佢兩句,哈!才大大聲話係呀,哈哈.新抱單聲今晚佢唔食飯喎?兩點鐘問句老婆點呀,才說出街囉,不如過大圍啦,不過我踩車,你搭車啦,老婆話行路,隨便你啦.
同老婆前後腳出門,拿了單車,踩出邨口,遇見同座個女人,當年還問我長者金手續,年紀應該同我差不多,時不時見佢單車場餵流浪貓,舊年6月還見佢餵貓,身體以經差,但還可以執廢鉄賣,我還說咁辛苦,你推我部細單車去賣啦,事隔一年,竟然差得咁厲害,我諗我行幾步,佢都移動不到一步,還拿著拐杖添?唉!又會快得咁交關?
過到大圍老婆以經在等,又會咁快行到?大圍還是選擇麥記,剛好有大班椅,正,同老婆還是一包一餐33蚊,奶茶我的,用餐其間見每個職員,衫背後都有個QR曲,哈!我同老婆講,等我影張相拼張圖,話麥記QR曲嘟得越多,中奬機會越多,whatsapp出去,哈!等啲人追住啲職員來嘟,哈,哈,哈.

 食過坐夠幻想過,同老婆行街市,菜好平既呢?娃娃菜賣到6蚊3包.
 
 行轉街市好快以經買夠,回程老婆叫行路,唉!咁就為有棄踩來推,行到大圍站燈位,又見一茶餐廳大吉?
始終都瓜老襯,
 
 推著單車沿城河邊踱回家,城河一便天堂一便地獄,

返歸4點40分,whatsapp響?原來大佬正在車公廟外開工,問佢唔早響?佢話等緊收工喎?

行轉街市買有南瓜一隻,4蚊斤,一秤3斤12蚊,娃娃菜3包6蚊,四季豆兩包10蚊,干葱兩包5蚊,合共32蚊.

回家同老婆各有各忙,佢遊戲我寫blog.
夜7點半鐘我來煮飯,料有四季豆半包2.5蚊,娃娃菜1包2蚊,上湯,公魚干,雞肉約5蚊同韮菜.


 
上湯浸娃娃

韮菜四季豆炒雞塊,

蒸公魚干

8點半鐘開飯,三個人食,今餐唔計公魚干,盛惠約10蚊.