端午節,睡來唔錯,整朝上網,老婆有糉返,按妥路遊器,樓下大乜樂,晚飯5人食.

昨晚還是12點鐘瞓,瞓到5點鐘醒,望住老婆起床返工,還好不久瞓得返,一瞓就今晨7點多,賴床8點多起來,whatsapp到,差點忘記端午節?

起來又幾好,鼻水比昨又少得多,洗個面搞早餐,蛋牛冶配鮮奶麥皮,上住網食,餐後量血壓135/7758,食過今早藥,手機辦大事,辦完大事又10點半鐘,見節日whatsapp咁熱閙,又出篇節日blog,無頭緒唔識搞,一搞又一個上午,關機看電視.
看直播城河龍舟賽,看完恰輪眼睏又1點多鐘,馬又跑咗一場,快活谷更加唔識賭?話咁快老婆返到,帶有大會送賀節糉兩隻,連同昨晚個仔大會兩隻棵蒸糉,今年有4糉應節.

老婆回來上網佢遊戲,我就睇跑馬,毫無頭緒,還是唔識賭?百無聊賴下,不如按番好個路遊器,路遊器硬係久不久失靈,昨晚換過個位置,check到現在似乎無問題?看來應該OK卦?於是乎收口羅絲按穩妥佢,搞掂又3點鐘,悶極做乜好呢?唉!都係同老婆落街行吓.
落到街還是走進大乜樂,同老婆每人食個下午茶餐,老婆23我24,

吃後坐咗好一會,又睇吓啲茶客人生百態,有啲好好人,倒頭來被迫整張枱讓過人家,有啲生霸C霸,經過無數人問,還是點頭認有人?同老婆都坐咗好耐,場面由熱閙變到冷清,我同老婆都走LU.
 行轉惠乜買有特價蠔油5蚊,孖裝粟粉19.8蚊,街市節瓜4.5蚊,瘦肉12蚊,豆卜5蚊,合共41.3元返歸.
 
回家5點鐘,老婆處理今晚餐菜料,料有節瓜,小棠菜,雲耳,瘦肉,紅蘿蔔,鹹蛋,豆卜,冬菇同兩隻糉.
我就繼續睇跑馬,老處理好菜料,兼夾煮埋好個齋,

 老婆煮好個齋,就輪到我進場,一搞8點鐘開飯.
老婆煮的齋一煲.
 
應節糉子煎
 
鹹蛋瘦肉滾節瓜



5個人食1夜返,留湯飯餸.