睡來還可,耳鳴同樣,整朝上網,游水700m,耳鳴有轉機,中心食麥記,買隻冰雞,晚飯兩人食.

昨日若不是探討吓條片內容,差點食咗隻死貓都懵然不知,自從回歸政治分爭,新聞各出其謀,齋睇標題就死得人多,whatsapp條儍仔,就係咁指名無道性砌過來我食,好彩你白痴我唔儍,從肚裡拉回出來,省到佢無聲出.

昨晚youtube終於摷到條一模一樣片出來,有興趣大家去睇吓,睇吓有乜唔同,政治我白痴,又睇吓你哋在乜立場去睇?

http://hk.apple.nextmedia.com/realtime/china/20160612/55215432

https://www.youtube.com/watch?v=uj-daHLuA5c

昨日不竟有點情緒,12點鐘瞓落床,此終有點胡思亂想,兼夾兩姑嫂鬼咁多嘢傾,遲遲才瞓著,瞓至5點鐘醒咗,望住老婆起床,好彩續後瞓返,咁就瞓到9點鐘醒,無賴床就起來,鼻水收歛近乎無,但耳鳴同昨日一樣,左耳砲轟一樣.
起來推回張子母床,望下地台先?還好無水珠好乾爽,因為昨晚有開冷氣,無問題後就洗面,大鑊了早餐無麵包,摷摷雪柜有冷飯有青豆,加隻蛋炒埋同鮮奶麥皮食,上著網寫下我今早事.

餐後10點37分量血壓147/78-59又會咁高?食埋今早藥,手機辦大事,事後又11點13分,再次血壓123/66-56咁又差不多,又開始我今日事上網.
稍看陣新聞就追回昨套韓戰紀錄片,
 https://www.youtube.com/watch?v=DBuAccDsxMc

煲完套朝鮮戰爭紀錄片剛好1點多啲鐘.
都好耐無游水,嗱淋執嘢出門,過到泳池1點36分,更衣室搞掂一切上池,天色唔錯陽光不太猛,稍熱身1點47分下水,泳客唔多,水有點涼,一游300m稍唞,再游400m起水走人,上了水嘩?耳鳴更厲害,左耳簡直有度篷帳,擋住一樣,差不多盟晒,鼻水累積在鼻,要不停地呻,一路呻到更衣室.

更衣室見呀王開工,手拿新電話,我話舊嗰部呢?佢話第二次跌落地爛咗喎,我話邊個同你買架?才說個女喎?哈,唉!你同我都係識條鉄?都係靠啲後生倍你買啦.

沖完個涼搞掂一切,至電個老婆想點?老婆話沙田中心麥記喎,好,等老婆其間,超多鼻涕,一路呻一路同呀王吹水,哈!又奇跡啵?耳鳴清咗好多,無咁盟,而且用力一呻,耳仔啪啪聲響,像氣壓通一樣,看來耳鳴同個鼻有關,同呀王吹水到老婆來電,才過沙田中心麥記.

過到麥記老婆以在等,還是一包一餐33,吃餐其間收到whatsapp,個仔同新抱話今晚唔食飯喎,都預咗啦,餐後老婆又話要食雪糕,唉!是但啦,肥四你,吃過15.5蚊兩杯雪糕,玩輪手機便行百佳.

百佳雞又特價,同老婆29蚊又挑隻,又買包甘筍5.9蚊,早餐麥方9.9蚊走人,離開百佳,行轉街市無嘢買走人,同老婆分道揚鑣,佢搭車我踩車回家,返回樓下,無見老婆踪影,為有獨自走進街市買條勝瓜4蚊返歸.
回家5點45分,老婆以在家,有無搞錯唔等我?放下買來餸料,有麥方包9.9蚊,甘筍5.9蚊,冰鮮雞一隻29蚊,勝瓜一條4蚊合共48.8元.

回家又各自上網,老婆遊戲我寫blog.
一寫又差不多8點鐘,才來煮飯,料有三文魚骨8蚊,鹹蛋1隻,勝瓜1條4蚊.
 

 
三文魚煎好,老婆拆肉,

三文魚飯
 
三文魚骨滾勝瓜,
 
烚鹹蛋

又成9點鐘開飯,兩個人食.