睡來唔錯,整朝處理相片,往事回味,煞科入場執些少,大乜樂食碗粉,晚飯5人食.

昨晚出埋編blog又成12點幾鐘至瞓,好彩一撻即著,湯水多兩次夜所,一覺瞓到今晨近8點鐘,睡來尚算唔錯,稍賴床便起來,洗面番熱木耳漿食,上網寫下今早事,食埋個早餐

量血壓139/79-60,食埋藥辦大事,辦事理想又10點鐘,又開始我工作,黃果樹回來兩星期,今日才有時間整理一吓啲相片,摷番11年前黃果樹剩餘無幾相片.
當年回來因電腦打柴,大部相片無晒,餘相比下,若果今次貴州4天,瀑布莫水,就一文不值,當年除黃果樹瀑布外,其他景點真係好有睇頭,食住須差,但景點極度難忘,當年航空團費如下.

 11年前莫水,同今年叠水.

11年前靚景

11年前的八卦田同西峰林,更正東峰林係錯.


11年前甲秀樓,當年第一天到步,晚飯後立即前去拍照.

上輪網一個上午,係時候要入場,送時尚銀包喎?起初還以為入場者有份,還相約朋友前去,好在再睇吓內文,原來特選客戶獨享,嗱淋通知老友係無銀包架,咁就分頭進場.
單車23分鐘來到,唉!單車老爺,中途甩鍊兩次,好彩還可踩到,到咗就進場走進wifi區,至電個老友到咗.見馬會電腦無人用,亦剛好第四場,於是乎踱吓馬仔,由於無賭太耐,真係丈八金剛,但條文寫著要網上投注,不論多少,才可得時尚銀包,無辦法啦?為有亂篤一隻搭雷神,買10蚊位置Q,結果係香的.

老友到,吹水一輪,唔識賭之下,去到第7場,老友另有朋友,而我係時候要掹,離開馬場3點16分,單車一條氣踩回自己單車場3點40分,至電個老婆,硬係無人接?後來至電個女,原來兩母女在行惠乜,無帶電話喎?唉!嘥氣.
兩母食咗嘢,我就肚餓到乜,為有走進大乜樂,老婆到我就整個通粉餐26蚊,

吃後齊齊街市買菜,買有通菜4蚊同秋葵5蚊返歸.

回家4點16分,繼續踱馬仔,屋企賭舒服多,去到第10場,無謂跟紅頂白,一於小妹搭雷神,位置Q無得分,一於10蚊買條正Q玩吓,開跑啦,哈,哈,由頭嗌到尾,由頭帶到尾,結果中了,買時15倍,跑完127.5元,都好可以中番個尾彩,尾場買10Q小妹搭尾隻14號,結果搭咗頭隻1號, 輸埋開工寫我今blog.

	10-07-2016 13:56	沙田 星期日	位置Ｑ	4 場    1 由心出發 + 11 御風雲 $10	$10.00
9695	10-07-2016 17:28	沙田 星期日	連贏	10 場  13 美麗皇者 + 14 瀟灑王子 $10	$10.00	$127.50
9698	10-07-2016 18:01	沙田 星期日	連贏	11 場  3 辣得很 + 14 比卡超 $10	$10.00

一寫8點鐘煮飯,料有通菜4蚊,秋葵5蚊,雞汁同煙肉,

腐乳煮通菜.

煙肉炒秋葵,

隔夜蒸甘筍蒸雞.

又9點鐘開飯,5個人食1夜返留飯餸.