睡來麻麻晨早醒,整日烏烏吓,有馬無賭,樓下大乜樂,與華踩轉城河,晚飯一煲兩人食.

昨晚同新抱分享吓,團友珍個孫啲得意片,搞到成12點幾至瞓,一覺5點半鐘,唉!老婆醒我都醒,咁就此瞓不返,笠著耳筒聽歌瞓,都係唔掂,上埋youtube賴到7點鐘起來.

老婆又留下字叫晾衫,個女就返工,晨早醒咗烏吓烏吓,攤響梳化回吓魂,才洗個面晾衫,原來外便落咗場雨,晾妥搞早餐食,大鑊無麵包?又唔想搞嘢,煮些豆奶麥皮,拿隻雞蛋炒埋啲冷飯食算,食食吓急起來,早餐未食要去爆,無聊吓至電過華仔吹水,竟然一吹成10點20分,邊上網邊吃埋個早餐,成10點38分量血壓126/73-56,食今早藥.
唔夠瞓上兩吓網,以經烏吓烏吓,就挨響梳瞓,瞓至12點鐘,原來個仔同新抱放假,齊齊出街,挨著瞓到12點半鐘,醒起有馬跑,咁就睇跑馬.
唔識賭不如寫blog,一寫2點鐘老婆返,又開始佢工作,上網遊戲,去到3點鐘,問聲老婆你落唔落街架?才CC氣關電腦,落到街,回歸日去邊好呢,今晚得我同老婆食,假期日處處人多,都係唔行遠,就樓下食大乜樂.
同老婆每人食個茶餐,老婆25我22,
 
剛坐正街坊隔鄰,又傾吓幾拾年來變遷,不竟大家住咗31年,好多街坊都走了,傾輪偈係時候要走,行轉惠乜9.6蚊買磅麥方包,又遇見朱太,老婆比錢時,電話響原來華仔,叫踩單車喎,好,就瀝源橋等,就即時同老婆分手.
車場拿了單車,踩到瀝源橋,華仔以經到咗,同華仔向馬場方向踩去,一路踩一路吹水,喱輪什少見面,好多話題講.
一直踩到孖橋,見太陽曬,於是再踩前些,橋底坐傾偈,傾吓旅行經,偈吓人生百態,真係乜人都有,傾輪偈,係時返轉頭,同華仔還是一樣,一路踩一路傾,踩回沙田頭,便各自回家.
返歸都6點半鐘,係時候處理今晚餐飯,雪柜料有肥牛,腸仔紹菜,粉絲同甘菇,淥包烏冬添,同老婆兩個人食.