睡來唔錯,整朝看奧運,落雨就樓下大乜樂,榴槤第一次,晚飯5人食.

昨晚12點前都瞓,一覺今早7點多啲鐘醒,收音機賴床到8點多起來,洗面弄早餐,還是鮮奶麥皮,煎班戟食,餐後量血壓113/65-55,上網寫下今早事,便辦大事,事後又10點多啲鐘.
看電視看奧運,女排羽毛球同是國家隊,相當緊張,贏來非易事?兩個台不停轉來轉去,睇吓又瞓著覺,就係咁又整個上午.
點多兩點鐘老婆返,回來稍為處理佢啲事,又上網佢遊戲,我話不如深水埗行,看有乜日用品要買,兩點多啲鐘落去巴士站,唉?人行來似乎還有點累,巴士等了10多分鐘,還未有車到,雨以經殺到,以經兩點半鐘,唉!都係無謂出去,轉回商場食大乜樂算.
大乜樂每人食個下午茶餐,老婆炸髀餐25我就通粉餐26.5蚊,

吃後老婆手機遊戲,我就無帶眼鏡,坐響度為有四圍噩,望吓啲常客,下午茶來來去去都係啲街坊,坐咗輪又見對中西夫婦到?還是個女人照顧一切,
同我老婆一樣,買嘢兼捧餐,哈?又胡思亂想輪,又何解同個西人一起?西的又何國家人?個故事又點發生?又戥個女人辛苦.又見個中年中風客,咁後生就中風,見襯佢都係一個人,手持拐杖拖著腳,一步一步很慢的行來,唉!幸福不是必然,坐響度聯想起好多嘢,同老婆又噏兩句,唉!邊個邊個又走咗好幾年LU,發輪偶逗係時候要走.
商場無嘢好行,唯一行吓就係超市,又上去行個圈,見榴槤今年未食過,實在太貴,見特價11.8蚊磅,手痕又摩吓,金枕頭真係唔識揀,無嘢敲,無香氣,熬不響,咁貴一個榴槤,唉?真係搏唔過,老婆又恨食,不如就搏個細細哋,揀咗個,買埋早餐方包走人,榴槤一秤4.75磅,56.05元犀利,方包9.9蚊,合共又65.9元,離開超市街市買斤菜心9蚊返歸.
 
回家4點半鐘,想起啲友講,洗衣機洗完衫,機底一壇水,唉!些少嘢都放不下的我,同老婆合力瞓則部機睇吓,希望條去水喉鬆脫而已?推則打開一望,唉!又唔覺有問題,壇水那裡來呢?真係一個迷,無偈下?為有改變吓個出水位置算,裝番好,希望OK啦.
 
清潔好裝番部機,身水身汗,沖個涼個仔放工返,夜7點多啲鐘煮飯,料有蕃茄,秋葵,菜心同豬扒.
 
8點多啲鐘個女返,開飯5個人食1夜返留飯餸.
 
飯後果榴槤,麻麻,甜就甜,不過有點生番薯.