睡來麻麻,通渠水通渠,游水600m,樓下下午茶買餸,晚飯4人食.

昨晚11點幾鐘,晚間新聞,剛好播出下界奧運東京主辦,唉?班後生不知幾雀躍,日本點好,點有創意喎?讚到不得了,唉!香港年青一輩,若不是當年中國弱,割讓香港,又點會有今日年青想法?唉!真有點慨嘆,我都無興趣再睇,企多陣都上床早點瞓.
瞓落床不久,新抱同個女雞啄唔斷,到夜啲差不多瞓著,新抱又呱呱嘈,大叫老公,聽佢哋所講,似乎廚房個去水過滿,瀉出來卦?,幾個人嘈嘈閉,唉!一於好少理繼續瞓,唉?不知道捱了多久才瞓著.

一覺今早7點鐘醒,賴床到8點鐘起來,個女在返工,才洗面搞早餐食,今早鼻塞塞有點傷風狀,牙就好似無咁痛?餐後都9點鐘,量血壓139/74-55,食過今早藥,急不及等要辦大事,完事洗埋啲碗碟9點20分.
上陣網個新抱蒲出來,講起昨晚件事,我就解釋過佢聽,條渠好似個人條腸一樣,日積月累啲垃圾淤積,唔多暢通,去唔切嘛湧出來囉,要切底清理,除非樓下層拆開個隔氣來通,上面得個渠口,做不到什麼?唯一可做,用通渠水拿佢一陣,拿鬆啲垃圾,用大量水沖走咋.
講咗輪不如坐言起行,立即倒下通渠水,諗住裝盆水等陣沖啦,哈!忘記今日換水管停水,無偈,為有用昨日留下些少沖沖算.
10點多新抱返工,我就續上網,看輪youtube又12點多鐘,終於有自來水到,於是乎倒埋嗰細半樽通渠水落渠口,拿佢一陣用大盆水,再沖沖條渠,果然條渠比前暢順好多.
搞掂條渠便去游水,過到池1點半鐘,更衣換妥泳褲,見幾條員工響度,大談灣仔舊事,原來幾條友都係灣仔長大,好有親切感,於是乎加入,大談灣仔童年事,一傾1點45分,嗱淋要上池游水.
上池超猛太陽,有蓋下稍熱身,1點54分下水,慢游600m夠算走人,更衣室搞掂一切,至電過老婆,天氣咁熱都係無謂走遠,回來樓下食算,同呀王吹陣水,便打道回府.
返到樓下3點23分,至電個老婆下來,同老婆食大乜樂,每人食個茶餐,老婆25我23,
 
吃後坐夠whatsapp夠走人,行轉惠乜買磅麥方包9.9蚊,街市買點菜,蕃茄4蚊,菜心9蚊同白豆5蚊返歸.
 
回家都5點鐘,老婆累得攤響梳化,我就上網寫下今日blog,個仔就放工返.
夜7點20分煮飯,料有白豆,燒肉,菜心,蕃茄同公魚干.

 8點04分開飯,有芝士蕃茄,

 白豆炒火肉,
 
 蠔油灼菜心,
 
 蒸公魚干.

 4個人食1夜返留飯餸.

多謝網友比料,我認為不似魚木多,魚木形狀似芒果仔多啲.