睡來唔錯,整朝看奧運,中女排奪金,兩隻嘢放假,同華踩轉馬鞍山,大乜樂三人下午茶,傑仔送我中秋餅咭,晚飯三人食.

昨日行餐懵前晚唔夠瞓,昨晚11點幾已經要瞓,一覺今早8點鐘醒,收音機賴床,舊日足跡,劉兆璋?一聽9點鐘才起來,開電視睇奧運,洗面弄早餐,諗住食住睇奧運,誰知找極都不見搖控,後來新抱蒲出來,才替我找到,原來兩公婆放假,餐後量血壓141/79-57,上網寫下今早事.

今早奧運精彩,中國女排爭金,對塞爾維亞,打得緊張燦爛,唉!呀叻真係好煩,在咁緊張時刻,咁氣氛下,講啲懶幽默嘢,當時中國領先5分,被塞爾維亞連追5分,竟然話係咁至有得玩,唉!好似中國贏梗咁？又話林丹尊登輸過比李宗偉,等諶龍贏佢喎,喱種幽默,我真係唔識欣賞囉,終於中國奪金.
個仔買早餐回來兩公婆食完便出街,話今晚不回來吃喎,出門後都差不多12點鐘,至電過華仔看得閒踩番轉單車先,華仔正有此意,於是老地方老地方等.
12多啲鐘出門,過到乙明對開海濱公園,稍等華仔才到,之後一路向馬鞍山方向踩去,一路吹水一路踩,忽然見滿地果實,立即停下回頭去睇吓,
 
嘩!原地來滿地蕃石榴,再睇吓啲樹,成廿幾棵有多,望真啲粒粒最大都係手指公咁大,細路時上山摘得多,從未見過咁細種,用手拉著爬高啲摘幾粒熟啲試吓,摘完隻手又瘀晒，嚐試吓，係蕃石榴，但有點澀微甜,又開眼界,蕃石榴又會咁細粒?

 繼續踩繼續吹水,

來到這裡又發現棵樹好靚,卦滿紅綠黃色果實,色彩繽紛,樣子似拮仔,但明顯不是,真係唔知乜果實？路人經過，都覺奇怪,但都係唔識?

 離開不明果實繼續向前,1點45分來到馬鞍山公園,陽光普照,曬到甩肺,遠挑八仙嶺,拍照時不小心,手碰著欄河,嘩!辣得我飛起,生雞蛋都煎熟.,昂貴不銹鋼欄柵犀利.

 係時候回程,一路踩回起點,就各自返歸.
回家2點50分,老婆以網上遊戲,個女亦在,便一同樓下大乜樂下午茶,每人食個茶餐,老婆25我24,個女就31.5元.
進餐時出現小插曲,事原隔離枱個呀伯,好心讓張枱過年青三個人家庭,呀伯好心到,連食完個渣滓盆,拿過來我女兒面前,眼鏡盒位置,個女梗係出聲啦,同呀伯講你一係叫呀姐來收咗佢,無理由放響我面前,要我對住你啲渣滓來食,呀伯話無人嘛,口噏噏的最後還是拿回原處.
唉!呀伯做好心,都要顧吓人架?若好到底,嘛拿埋出去比過呀姐囉.
還有一件事,最近發覺啲人好啲唔得好啲?食食吓突然聽見有人嗌唔係嗰度呀,遠遠見個呀姐捧住個餐行返轉頭,過到來我則近,跟住個人叫唔好意思呀,然後比番個老人牌過呀姐,我一望嗰個人,嘩?重後生過捧餐個呀姐?看來後生好多,有無搞錯呀?唉!駛得就駛?確係唔好意思囉?我咁老都未駛出喱個牌啦,老婆話佢可能跛既呢?唉?真係好啲唔得好啲?
 
後來見佢在惠乜揀香蕉,都唔知幾精靈?

 茶後個女返歸,我同老婆又來這裡又美麗又涼快度坐,突然天上降下小物體,前去望吓,原來一小堆仔南瓜囊,差點行人中頭奬,怪不得見襯行人,大多都入簷篷底.哈!不過好快就被羣雀仔清走LU.冇耐見同層街坊行過,打個招乎問候句,嘩?大堆嘢講不停,幾難才打句完場,同老婆聊近6點鐘才返歸.
 
 回家6點鐘,遇上鄰居邱太,送我中秋餅咭一張,說是佢個仔傑仔送過我喎,傑仔真係年年有我心,認真唔話得,希望佢年賺年有啦.
惠乜買來有特價膠手套三對14蚊,澳州啤梨兩份12蚊,合共26蚊.

回來又開工,寫我今日長長的blog,一寫成8點半鐘,個女話咁夜,不如落街食囉,我話落乜鬼呀,嗱淋煮麵食,料有生麵王,秋葵,义燒同碗冷飯.
 
8點45分食得,三個人食.