睡來還可,沽澳元執幾拾,整朝找手機料,廣源探老馬下午茶,晚飯4人食.

昨晚長長的blog,一寫成12點半才完成,搞掂又成1點至瞓,須然不是一覺天光,但總算瞓到今早8點鐘,個女起床番工,我亦為有起來,洗面搞早餐,衛星包一舊,迷你月餅一隻,鮮奶麥皮食,

餐後量血壓125/73-51,食過今早藥,寫下今早事辦大事.
辦埋大事又9點25分,今早事上網,望吓啲澳元,似乎彈完又回落,唉!都係咪搞,賣番些少,計吓條數賺咗87.7元.搞掂上網睇吓手機料,都係三星A9同C7兩隻揀,原來A9有水貨同行貨有分別,兩隻內容有點唔同,水貨係A9高配版,機評讚不絕口,而行貨就無咁pro,睇輪分別,都唔知A9好定C7好?價錢就差不多,A9係今年1月款,6寸大芒,32GB Rom,電池4000襟得多,C7係7月機款,差半年款,5.7芒,64GB Rom,電池3300,兩隻都好,真難取捨?
看輪手機料又一個上午,12點鐘羋月傳,看完1點鐘,今日泳池清潔日休息,無水游,老馬都好耐無揾過佢?於是乎至電過佢,哈!原來剛好瞓醒,無見一輪,又返回未病時,晚晚電視到天光?約好兩點鐘廣源邨下午茶.
見還有粒鐘時間,於是乎搞吓就斷人字拖,用魚絲縫番個斷口,1點半鐘老婆返,話收早半粒鐘喎?怪不得咁早?而新抱蒲頭,原來放假,雞手鴨腳的縫好,正在打結,唉?打極都唔掂?望吓個鐘又差不多兩點鐘?唉!老婆你來打結搞埋佢.
成兩點鐘出門,小巴站等極都無車,還好兩點05分有車到,原來有人落才有個位,都算幸運,上到廣源邨都兩點23分,還是喱間下午茶,

我要個日式豬頸拉麵餐,飲奶茶,老馬就义燒米線餐,飲鴛鴦,老馬還加碟牛腩添?

傾來都係大家健康同近況,大家都係睇電視瞓覺買餸煮飯,唉!都煮到厭倦,講吓旅行,同朋友都聯繫都越來越遠,最近手麻痺喎?問佢覆診有無同醫生講?佢話有呀,比咗啲維他命B佢食喎,佢又話搽些活絡油好啲喎?傾輪坐輪4點鐘,老馬霸住張單,為有佢找數喎.
離開酒樓佢話要同個仔買煎餃喎,原來八方雲集,廣源邨真犀利,一個邨商場,竟然能容納咁多大集團商店,兩大超市,老麥,日本城,家品店,還有好多藥房食市,噏都噏唔晒,還有啲鋪仔商戶,可見人流幾咁犀利.
買完外賣同老馬走入街市,行轉街市,瓜菜就貴囉,同大圍相比差一大截,老馬買咗木瓜,離開我都係時候要走,又同佢講句,若果有興趣探萬昌,嘛開聲囉,送我到小巴站,我就小巴返歸.
返回屋企樓下4點50分,至電個老婆,話新抱今晚唔食飯喎,諗吓屋企還有菜,都係無謂買返歸.回家個新抱出街,老婆梳化瞓覺,我就上網寫今日blog.
7點多啲鐘啲友陸續返,都成7點45分煮飯,料有南瓜,肉片,雞湯,雞蛋,青茄瓜同煙肉.

 肉片煮南瓜,
 
煙肉蒸蛋

 8點半鐘話之你開飯,4個人食.
 
飯後果新高梨.