睡來尚可,整朝下雨,心臟科覆診,樓下下午茶,晚飯5人食.

昨晚11點幾鐘都瞓,半夜醒醒去個夜所就瞓到今晨6點多,瞓不返收音機賴床,矇矓到7點多,轉聽歌仔賴床,就係咁賴到8點半鐘起來,個女亦起床返工.

起來洗面,外便下著雨,搞早餐食,餐後9點04分量血壓125/77-55,食過今早藥上網,寫下今早事,手機辦大事,完事又9點35分.
上陣網10點多啲鐘,見無落雨,嗱淋執嘢去覆診,過到李家誠診所10點43分,60蚊登記卦號,便南翼1/F內交覆診紙,找個靚位坐陣,大約10多分鐘便磅重房量血壓,唉?嘥氣,量襯都係高,今早屋企才125?現在144/81-66,
 
量完返回坐位等叫名,坐咗廿分鐘以經叫到名,9號房門外等見醫生,姑娘睇過飛尾對過身份証,又等片刻,終於叫名入內見醫生,男醫生姓林,年紀稍為年長,坐下後醫生看看電腦,就問有無氣喘?我諗咗陣?氣喘好難講啵?我話游水800m囉,佢就心算一吓,一個池50,嘛16個塘?我就話心臟就無事,但幾日來個胃好唔妥?食咗嘢頂住頂住感覺,好似消化不良?又食嘢有時梗頸,唔上唔落嚇C,問佢是不是人老咗食道唔協調?又問佢會不會食道癌?佢望吓電腦,話我照過兩次胃無事喎?如果驚又安排你照胃囉,我話咪攪,上次照咳到我喉嚨出血,佢又話食道癌唔會有時梗有時唔梗喎,你有無覺瘦咗好多吖?無就唔駛驚,我話胃藥有多,平時食飯前食粒,有無問題?佢話無既,跟住輪到啲藥,上次覆診時,跟電腦比咗好多無謂藥過我,今次我帶咗啲藥盒來,我剩係要喱6隻就得啦,醫生就核對著電腦,比回原有6隻藥過我,跟住問佢驗血怎樣?佢話無事,問佢血脂呢?話比上次還好喎,接過藥單覆診紙同預約抽血紙走得.
就地下藥房交單,6隻藥120元,藥房交過藥單,接過飛仔3288, 便返過北翼抽血部預約,攪掂返回藥房找個位等攞藥.
一等成粒鐘有多輪到,核對過6隻藥走得,單車回家1點鐘,
 
肚餓非常,斟杯水食埋兩粒芋仔,食塊曲奇,吃後上網寫陣blog又兩點鐘,老婆返,少有唔上網遊戲,攤響梳化看電視,無聊下望吓啲月餅,一人一盒成6盒,堆積如山,唉!睇嚟早餐有排捱?
 
兩點多同老婆落街行吓,還是大乜樂食個下午茶餐坐下,老婆25我23蚊,

吃後坐咗好一會,老婆話冷氣凍喎?咁就走人行超市,行個圈買兩件豆腐12.9蚊同50蚊特價套裝沖涼液,然後街市買5.5蚊白豆返歸.
 
回家4點12分,老婆上網遊戲,我就看電視兼恰眼睏.
7點半鐘啲友還未返?話之你煮飯,料有白豆,榨菜木耳,豆腐,昨日鹹雞同煙肉.

榨菜木耳煙肉絲蒸豆腐,

煙肉炒白豆,

隔夜鹹雞,

話之你8點鐘開飯,5個人食1夜返留飯餸.