新煲玩嘢,鼻敏感晨早醒,盆菜訂不成,大乜樂食個飯,行轉禾輋換隻煲,晚飯4個人食.

昨晚夜食飯飯後又要寫埋編blog,老婆突然埋來,拿住個BB煲蓋,說一開就係咁樣,分開兩件,嘩?又會咁化學,唉?兩口羅絲仔收住個膠蓋,根本設計問題,無偈,為有明天拿去換..
 

這晚呀偉收工上來,買咗條綠茶蛋糕,都成12點鐘,食件蛋糕傾兩句又成12點幾鐘至瞓,一覺今晨6點鐘,又被個唔生锈鼻搞醒,又塞又鼻水,無辦法再瞓,挨響床不停哋呻,不停的打噴嚏,呻返咁上下,才叫做恰著.

到8點鐘個女又唔生锈,又問嗰樣喱樣,老婆幫手亦揾唔掂,搞到我要起來揾,個煩女終於搞掂出街,我才洗面,番熱木耳漿食,跟住搞早餐,同昨日一樣鮮奶麥,芝士飛碟同老婆兩人食.
餐後9點47分量血壓138/74-57,食過今早藥辦大事,搞掂一切又10點05分.
昨日忘記看華月傳,就mytv睇番,睇完11點鐘,無聊就處理吓啲旅行相,一搞又12點鐘,坐定定等睇電視華月傳,掉?原來剛才睇嗰一集,嘥氣.
由於明天人齊食中秋節飯,諗住都係唔想煮,就大家樂訂個盆菜食算,又要換個爛鬼BB煲,於是早點出門,落到街有點肚餓,橫掂要訂盆菜,不如大家樂食點嘢,順便訂埋個盆菜.
落到大家樂,同老婆兩份食飯33蚊,吃後見經理行過,於是叫佢過來,說訂明天盆菜,誰知說明天趕不及,咁就無偈,為有另想辦法.

離開大家樂雨繼續落,要去禾輋換煲,同老婆担著一把遮,去到燈位,眼白白走咗部巴士,為有等下部,同老婆講盆菜無著落,為有自己煮啦.
終於有車,坐上樓上,見後便兩條靚仔,嘈攣巴閉,於是走上前坐吉位,唉!啲人真無公德心,一個人霸兩位,一個位放遮,濕漉漉放響張椅上,到落車拍吓羅柚走人,要我站站提醒人,個位濕不要坐.
話咁快到禾輋,直接踩上日本城,同佢說明來意,佢二話不說,嗰便有好多個,自己去換啦,我話根本設計有問題,換回去又嘛爛過?佢根本唔聽我講,到時唔得再換啦.
同老婆研究過,換第二隻款制唔過,都係換番喱隻煲,試過好幾隻蓋,配隻無咁緊蓋,費事一扯又爛過,搞掂比過收銀望吓,佢話比番隻爛煲過我就得啦.
 離開日本城行商場,跟住過瀝源買餸,一直係咁行,行到我腳跛,由於明天自煮,要買油買雞蛋,又要買肉煲湯,又要攞住個BB煲,孭得我CC,一直捱到返歸.
回家4點40分,買來有雞蛋一排30隻22蚊,粟米油5.5公升99.9蚊,豆腐4.5蚊,金菇兩包5蚊,煙肉13.9蚊,豬展40.9蚊,豬梅頭肉11.3蚊合共197.5元.

 換個鬆啲煲蓋,希望可以捱耐些.
 
回家對腳實在難頂,坐夠又落過街,行惠康想話買個哈蜜瓜,誰知丁咁大個,無買下,18蚊買三包湯圓,街市買隻南瓜7.3蚊返歸.
回家諗住寫陣blog,實在太累,頂不住要梳化瞓陣,一瞓6點半鐘,望陣電視,又寫我長長的blog.
又成8點多鐘煮飯,料有南瓜半個3.6蚊,豆腐4.5蚊,洋葱半個同豬梅頭扒.
 
 洋葱豬扒,
 
 蒜頭豆豉煮南瓜,
 
 煎豆腐
 
9點20分開飯,4個人食1夜返留飯餸.