睡來差極,牙痛依然,周身骨痛,整日在家,樓下大乜樂,晩飯3人食.

昨日游水又係衰,無游幾日諗住游600m算,誰知貪心游足800m,結果周身骨痛,轉身呀,伸展呀,彎腰呀,連咳都忽然閃著痛,痛得有陰濕,要就住就住,一直到夜晚,11點零都諗住瞓,誰知呀偉上咗嚟,咁就傾多咗幾句,又成12點幾至瞓,可能太累轉吓身郁吓都痛,真攞命.
就係咁好夜才叫瞓著,瞓得唔稔又有夢,夢見舊情人,到5點多老婆返工又醒吓,就係咁似瞓非瞓到6點鐘醒,瞓不返為有耳筒待候,到8點多啲鐘起來,睡來好唔掂?

起來洗面牙,郁吓個身依然痛,牙依然痛,回想吓身痛牙痛,好可能係火?唉?又用李斯德林潄口,弄早餐食,鮮奶麥皮,食片麵包,簡直痛到0趙不到,為有用鮮奶浸軟食,吃後量血壓127/63-56,食過今早藥辦大事.
大事不炒又10點鐘,今日事上網,萬無目的胡亂上輪網11點鐘,實在太累關機恰番陣,12點鐘羋月傳,看後邊度都唔駛去,留響企繼續發藕豆.
1點多鐘個仔蒲頭,續放假喎?淥咗個麵食,我就食月餅,個仔發覺月餅發霉,真大鑊多到發霉,為有掉之,未霉為有放雪柜.
2點鐘老婆返,煲落煲雪梨蘋果湯,便上網佢遊戲..
 
3點多鐘問句老婆點呀,還出不出街呀,才說去,個仔聽見又話去,咁就齊齊大乜樂,三人食三餐,合共84蚊.
 
吃過坐夠個仔返歸,我同老婆四圍踱,行吓超市,踱去望吓棵大樹菠蘿樹,勁多果實卦滿樹,連樹上頂都有.

看過棵多果樹,又同老婆在最涼快樹下坐,老婆還是不停手機遊戲,坐兩坐轟炸出動,都係時候要掹.
回家5點多鐘,老婆又上網遊戲,我就看電視.
7點多半鐘我來煮飯,簡單啲煮個餸,開罐加汁豆,三隻雞蛋,大事不妙加隻蕃薯. 

蕃薯飯,

蘋果雪梨南北杏無花果豬展湯,

三蛋茄焗豆,





三個人食,兩人留湯.