睡來尚可,牙無痛,老婆放假,整朝上網看電視,踱公園,食759,大圍攞條褲食雪糕,晚無煮飯,兩人清雪柜.

昨晚翌日10月2號成員生日,12點鐘人齊切蛋糕,生日歌祝賀成員,生日快樂,身體健康,嬉嬉哈哈,大玩拼圖變臉,氣氛熱烈下搞到成2點多鐘至瞓,夜瞓難睡,還好笠著耳筒下,歌聲伴著,半小時後都瞓著.

一覺今早8點鐘醒,收音機下舊日足跡梁志雄,賴咗陣8點半鐘起來,戰戰兢兢洗面潄口,好彩下安然無事,搞早餐食,叫醒老婆,食住早餐搞部舊手機清垃圾,留下空位載歌仔,方便聽歌,方便wifi上網兼瞓覺,餐後10點20分,量血壓139/73-56,手機辦大事.
完事搞掂一切又11點20分,係時候要追回昨日集羋月傳,12點鐘電視羋月傳,1點多鐘,係時候出去行吓,星期日假期邊度都唔想去,還是踱去公園坐吓.
平時一樣,先踱去乙明對開,樹林蔭下坐,吹吓水坐兩坐無風,老婆嗌著要走,咁就下個休息點,瀝源橋個亭坐,去到見個老伯一人獨享,鞋當枕頭攤響度，而這邊太陽伯伯還未離開,無理由坐著老伯對腳下,核鬼突，無偈,為有繼續過橋,

 過了橋對面,見釣魚人有收鑊,則魚一條,
 
 看咗陣離開,老婆嗌肚餓,咁就759車仔麵,三餸麵加飲品34,會員有8折,同老婆每食個,盛惠54.4元,吃過坐夠走人,
 
 老婆話要大圍攞褲喎,咁就坐程火車過大圍,沙田人多到乜??好彩一個站咁多.
過到大圍老婆街市內攞條換拉鍊褲,問聲老婆換拉鍊多少銀,30蚊喎?
取褲後行街市,今晚辣辣壽司邊個食,無人食,唔食就今晚無人食,無須買餸,無就行街市,見雪梨10蚊有7,見還有點牙痛,就整10蚊食吓?雞寶買兩罐茄豆,不時之須13.9蚊,行經麥記老婆又話要食雪糕,咁就坐下每人杯7蚊.
 
 吃後坐夠走人,老婆愛踱路,回家又5點45分.
夜清雪柜食埋啲粥同炒烏冬,餐後雪梨,唉!真大鑊,入夜才來牙痛,0趙不到梗不下,還是攪拌機待後,才有得食.