講政治,睡來還可,整日在家,沙田中心食麥記,麥片兩桶,學人醃魚仔,戶口凍結無馬賭,晚飯4人食.

昨晚12點鐘前都瞓,難入睡兼夾三隻嘢大大聲講政治,講兩條本士茂李被取消資格,又講到六四,若不是兩條本土茂李,做出咁明確幼稚雞儍事,她們還是一面倒諗法?由兩條本土儍雞講到六四,才聯想到六四並不簡單?才疑惑到有咁多民運人仕,又會咁多海外人仕接濟,又會有咁多錢?真係殊不簡單,但六四事講到一舊舊,發生過情程亂晒籠,人物又唔清唔楚?只懂得柴玲,王丹同唔爾開希之類?大陸的一概唔識?不竟當年佢哋還是小學雞,當時形勢一面倒,老師話乜,佢哋嘛信到十足囉.咁都好,兩隻本土儍雞點出咁大盞明燈,唔係佢哋還在一面倒想法.
聽咗好耐我都無出聲,都知我喱個老嘢癡呆,又邊會有說服力吖?聽兩聽我都終於瞓著,3點多去個所,一瞓6點多鐘醒,笠個耳筒收音機下,迷迷糊糊到8點多,千禧年代又係講果兩隻儍雞,聽到9點多啲起床,洗面搞早餐,餐前以經9點26分,量血壓136/71-50,食過今早藥上網寫下今早事.事後辦大事又10點35分.
看輪網上新聞又轉去看youtube,一看又近1點鐘,夠皮關機看電視,個衰女瞓醒,話之佢,看陣電視1點半鐘老婆返,例上網玩陣遊戲,我就攤響梳化恰陣眼瞓,恰到2點多鐘,叫老婆出街.
過到巴士2點35分,等咗陣見有小巴到,都費事等,過到好運中心下車,老婆又叫食759,我話唔好卦?麥記啦,後來還是沙田中心麥記,一包一餐33蚊,
 
吃過坐夠行超市,行過卜佳探過行情落街市,見有池魚10蚊份,見samwei blog友用鹽醃鯖魚,當鹹魚食,於是買份試醃吓.
買後去雞寶,買有豆腐兩盒12.9蚊,香辣榨菜絲10.9蚊,然後上759,見早日買脆餅乾條好食5.7蚊包,又買兩包,黑糖薑母茶23.7蚊,薯片兩包14.8蚊.合共49.9元.
離開759都5點鐘,嗱淋走人,行經卜佳先前想買佳之選麥片,但又唔知長者是否9折?但望勻又唔見有海報宣傳,穩陣啲問句職員,果然幾隻牌子今日長者有折,於是抽兩桶39.4蚊比錢走人.
搭程車返回樓下商場,老婆買20蚊鹵味齋,我就大乜樂坐陣等,見有人買88蚊個烤雞餐,好抵食,揾日同老婆又試吓.



坐陣返歸,大堂見娥姐同人收廢紙,啱晒等陣來我處收埋,回家6點鐘,將廢紙搬門口搞掂,老婆處理買菜料,我就上網寫我今日blog.

夜由於我賭馬仔,老婆就佢來煮,刨輪馬仔7點45分,諗住投注啦?戶口無錢,於是乎銀行過數,他媽的試幾次都唔成功,叫同銀行聯絡?
於是乎至電銀行,又要輸入資料,谷鬼撳去報失咭度,才同我轉駁去網上理財,姓馮接聽,話明情況,同我查過,話可能兩個原因,但無可能吖?早兩日我才馬會轉錢落戶口,現在拿錢出來變唔得?佢叫我登入網上理財,教我睇吓賽馬及娛樂個設定,一睇係無設定?佢話咁就係喱個問題,叫我去分行搞喎,或者下載表格填妥交回分行喎,唉!不如索性去分行搞,記然係咁?為有信你囉.
收線後再試幾次,用不同銀碼過數,都係話同銀行聯絡,但試吓查賬,哈!佢又得啵,唉!証明係銀行唔比我過數,無偈為有唔賭.
以經9點20分老婆煮好追食飯,開飯4個人食1夜返留飯餸.

飯後夜點睇吓賽馬結果,哈!若要賭亦輸埋,再摷吓本存摺紀錄,原來最後過數入馬會戶口,以經係2015年3月8日既事,怪不得戶口被凍結.