失眠瞓不好,老婆放假,地鐵攞生日奬,踱公園玩video,759遇老馬,卜佳買孖雞,晚飯5人食.

昨晚12點鐘瞓,瞓落床有點困惑,究竟25,26老婆兩天假,去不去旅行呢?諗吓又搜尋吓匯景當天網頁,唉!假期團費又貴咗,人又多,交通好可能塞車?諗兩諗又咳又多痰,吐極都唔完?就係咁夜夜未能瞓著,望吓時間嘩?以經1點多鐘,無偈,為有耐性點閉著眼,都不知是否瞓著,就係咁捱到今晨6點鐘醒,去個所手機賴床,賴到眼倦,又閉目瞓過,到醒以經9點多鐘.

起來洗個面煮下早餐麥皮,拍醒放假個老婆,便上網寫下今早事,10點鐘才來吃我們早餐,餐前量血壓140/80-51,
 
餐後食埋今早藥便辦大事,事後刮刮我的長長鬍子,搞掂又差不多11點鐘,係時候出街.
落到街首先係MTR攞我生日奬品.
12點18分來到票務處,出示身份証,確認後比張聲明我睇,嘩?咁多字點睇呀?為有同佢講,不如我拍下,事後我才慢慢睇,

拍下後叫我撳Enter,是但啦,咁大間地鐵,相信都唔會揾笨?Enter後,八卦問聲?今個月有幾多人攞奬呀?佢話電腦睇唔到喎?接過封奬品,職員好有禮貌,同我講聲生日快樂.

離開地鐵站同老婆還是踱公園,每次一樣來到這裡,大樹臨蔭下坐,

 又涼又愉快靜靜哋坐吓,老婆坐定下來又手機遊戲,我就靜靜哋同啲老友吹吓水,長氣的我同華仔傾得咁上下,都知自己事還是收線,打過比萬昌,聲如洪鐘,須然身體無進展,但聽聲都有排捱,說話就無乜嘢好講,講都係激勵說話多,吹輪水問候一番又收線.又至電過老馬,又會咁橋在羅湖過緊關喎?見咁情況為有有時間再傾啦.
同老婆坐完一輪,又轉去遊樂場嗰邊坐,睇吓啲細路嬉戲,坐夠老婆嗌肚餓,去食乜好呢?諗起759又大碗又抵食,咁就以往一樣,行過瀝源橋穿過公園,沿途又拍吓video玩吓,過到759兩點多鐘,同老婆每食個三餸麵兩位54.4蚊.
 
 坐吓老婆發現老馬響度,又會咁橋?吃後一同傾幾句,原來昨日北上洗腳,剛剛才回來喎,原來剛才通電話時係過緊關返港?傾輪偈講輪旅遊經,硬係拗吓頸,話江西不是廣東邊上啲喎,今時今日拗係無謂?即時go go map show過佢睇,才無話可說,臨走同佢講聲,有時間有興趣一起探吓萬昌啦.
同老馬傾完兩句,就各有行各行,同老婆又走進卜佳,又見50兩隻雞?同老婆又挑兩隻,柚子8.5隻,又挑兩隻17蚊,粟粉兩盒裝又話抵喎?又整包17.8蚊.
離開卜佳行沙田街市,三文魚骨腩6蚊包,買兩包後,老婆買魚胶,但又無碎紙,又唔想換來有腥氣,焗住買多包三文魚骨腩,買埋10蚊魚胶,孭到一大袋市廣場搭車返.
返回自己街市,買有白蘿白兩條,5.6蚊斤,好貴呀,要不是用來剁碎溝蜜糖,真係唔食佢,兩條蘿蔔11蚊,蕃茄4個8蚊同油麥菜一斤7蚊,合共26蚊返歸.

回家4點40分,個仔同個女以回來,一個瞓咗一個打機,我都費事理,放下買來東西,老婆處理兼煲落個南瓜粟米紅蘿蔔湯,我就上網寫今日blog.
 
老婆搞落煲落湯,就處理早前買落栗子剝衣.

搞掂整埋樽白蘿蔔蜜糖止咳水,18蚊兩磅栗子一粒都無壞,放冰箱慢慢食.

夜點7點33分來煮飯,臨煮又話新抱就返,為有又夜啲,料有蘿蔔食半,油麥菜,隔夜黑椒豬手,三文魚骨腩同魚胶又係食半.

蘿蔔煮魚松,

豉油灼淥油麥菜,

香煎三文魚骨腩,

粟米,蕃茄,紅蘿蔔,蕃薯,南瓜湯,



9點05分開飯,5個人食,1人返緊食住等.