睡來唔錯,北上睇牙第4次,衰後尾企餐C,晚飯4人食.

昨晚12點前都瞓,一覺5點鐘又醒,去個所又係瞓不返,還好耐性點終於瞓返,一瞓就8點鐘醒,睡來唔錯,稍賴便起床,番熱木耳漿食,洗面刮刮鬍子,叫醒老婆,上網寫下今早事,搞早餐同老婆食.
 
餐後9點20分量血壓133/74-53,辦大事,事後又差不多10點鐘,係時候北上第四次見牙醫.
10點多啲鐘出門,10點40分到上水,等埋個侄11點05分過關.
 地鐵4號線搭兩個站,會展站下車,一條氣趕到去醫務所11點45分,接待坐陣,見有人結賬又係微信支付,稍等12點鐘輪到,試輪個假牙套15分鐘,

護士話種柱還未消毒好喎?無得做住,為有讓過老婆做先,
 
老婆做我就坐響則邊等,老婆杜牙根,一做成粒多鐘才完成,跟住又輪到我洗牙,洗上面棚牙,洗完以經2點鐘,由於有客約咗關係,我們要讓讓.便同個侄3人就本座4樓間酒樓飲茶,
可能時間唔湯唔水,大堂以經散,職員埋頭執緊枱.

後來部長帶我們到另邊,走廊位細枱坐,叫咗6個點心,坐吓傾吓不知時間過,嘩?以經3點鐘,嗱淋找數,今餐我比錢,但都係個侄用微訊支付,三個人本應140元,手機付108元.

 離開酒樓嗱淋返回19樓,還好個客以走,器材同椅正在消毒,稍等後我又來過繼續,剛才洗牙,今趟就補牙,棚老牙醫番都殘廢,又撬又磨又刮,牙肉痛到不得了,唉?都唔知補了多少隻?個心好急,大佬快啲完啦,最後輪到杜牙根隻種柱,見種柱一定好大工程,問句用不用麻醉針架?侄抱話不用,嘩!嘛痛得要C,後來種咗我都唔知道?唉!終於話OK,才一身鬆晒,來4次最痛今次,以經4點35分.

起來以經無晒人,剩番我們幾個,原來以經收晒工,難為個護士捱義氣幫手,熄燈鎖門成5點鐘才離開,邊度都唔想去,順風順水搭程地鐵到福田口岸過關.
 
 過關須然人多,但好快,關與關之間以經5點26分,日落黃昏.

成日話嘟一嘟慳3蚊,原來在這裡,老婆嘟個侄嘟,侄新抱嘟,個個行過都嘟,我又試嘟吓,不過長者無此優惠,
 
須然人多,但都好順利來到落馬州站,由頭順到尾,來到落馬洲站就大鑊,在車等咗廿幾分鐘都未能開車.

唔知發生乜事?到開車站站迫爆,計埋等開車廿多分鐘,行車40分鐘,足足企我成粒鐘,腳都跛埋,拖著腳步返到歸,剛好7點鐘,成個人散晒,坐響度唔識郁.
坐咗輪成8點鐘才來煮飯,摷盡雪柜料.

 洋葱豆干素雞炒四季豆,蝦皮蒸水蛋,蒸臘腸.

8點55分開飯,4個人食1夜返留飯餸.

飯後好唔願郁,編blog都好想唔寫,諗吓2016最後一篇,C都C埋佢.