睡來唔錯,回想昨日,游水600m,下午茶大乜樂,晚餐兩人食餃子,飲杯聖誕快樂.

昨晚出埋篇長長的blog已經12點鐘,嗱嗱淋youtube摷條聖誕片post出,就結束這個平安夜,12點多上床,手機上陣網又成點多鐘瞓.
一覺今早8點多啲鐘醒,思想賴床,回想昨日回程地鐵一幕,感覺好微妙好温情,只不過偶爾碰上,就產生咁好感回憶,諗吓想吓昨日的,手機上網又賴到9點鐘多鐘起來.

起來一屋番晒工,樂得清靜,洗面搞早餐食,鮮奶麥皮,昨晚的山東大餅同甜麻花,煎隻蛋添,大餅唔錯,3蚊雞大大件,皮脆似老麥英式漢堡,甜麻花炸的,軟熟似炸包,點蛋漿食,愛吃就唔錯一個早餐.

餐後10點鐘量個血壓131/74-58,天氣暖幾好,食過今早藥,上網寫下今早事.  

寫下事又10點多啲鐘,個侄來電,講吓昨日事,又講吓其他事,一傾又成48分鐘,手都攰埋,又11點20分,才辦我今早大事,搞掂上陣網又12點鐘看電視.
1點鐘至電過華仔,想話約佢踩單車,誰知佢話剛跑完步回來,想瞓覺喎?咁就你有你瞓啦,我就執嘢去游水,執好游水嘢成1點多鐘才出門,落到樓下遇啱老婆返,突然有點唔想念頭?諗吓,都係去游,行唔夠兩步醒起忘記帶5蚊銀入儲物柜,正想回家取?唉?返得去分分鐘唔游都似?諗起有把鎝仔在袋,可以用鎝來鎖柜.
過到去泳池1點40分,更衣室搞掂一切上池,天陰有風有點凍,稍熱身找位下水,見有條快線無人游,於是下水一人獨享,天氣凍水暖,埋頭係咁游,一條氣游佢600m起水走人.
上水2點29分,更衣室沖個大熱水涼,至電個老婆相量一下,說大乜樂食多個餐有10蚊積分喎?咁就返歸樓下食大乜樂.
同呀王吹吹水走人,沿城河單車徑踩,前日修路單程,現以開放,節日相當多單車,去到大媽平時唱跳地方,今日好膠興,開晒大派對,又燒豬又生果,大跳大唱,戴晒聖誕帽熱閙非凡.
 
返回單車場以經3點35分,至電個老婆,便走進大乜樂等老婆,晏來大把位,找個超正單對單位,老婆到,我建議老婆兩人食豬扒飯餐44蚊.
 
兩公婆分享完個餐,勝過兩個下午茶餐,吃後老婆還是手機遊戲,我就電話同華仔吹水,坐兩坐老婆又叫凍,要走出大堂坐,收到訊息兩隻嘢有節目,今晚不吃飯,今晚得我兩老食,連超市都不用去,見麥記開張,唔幫襯都走去八吓.
 
大堂坐陣就街市買點菜,買有韮王5蚊,荷豆半斤7蚊返歸.
回家老婆包餃子,我就上網寫陣blog,寫好想處理一吓啲相,唉?太多太煩覆,懶起來都係唔攪住.
8點鐘老婆處理好餃子,我來炒個菜,荷豆素雞炒雞丁,8點15分開餐,兩人飲杯聖誕快樂.