睡來唔錯,又凍又大風,整日在家賭馬仔,樓下麥記第一次,輸馬60,晚飯5人食.

昨晚11點半鐘上床,手機上陣網12點以經瞓,可能游水又踩單車,一撻即著,就瞓到今早7點多鐘醒,外便好大風,吹到窗同門砰砰響,手機賴床,一賴8點半鐘起來.

處理一吓晾的衫,燒煲水洗面,番熱木耳漿空肚食,跟住搞早餐,早餐依然麥皮鮮奶,山東大餅同甜麻花,

吃後9點26分量血壓140/78-56,食過今早藥,就上網寫下今早事.
辦完事又10點23分,再量次血壓129/71-58,辦事其間研究吓whatsapp,原來群組可以加管理員,加後可以退位讓賢,唉!以後加加減減不用我煩.
上輪網11點多鐘看電視,何解無咗套乜乜雲歌睇?變咗播套穩世者們,大結局咗?唔聲唔聲?難明?無得睇重好,無謂追.今日跑馬一於專心踱馬仔,1點多鐘老婆返,老婆例牌菜,遊佢網上戲,我就踱好馬仔,試用手機馬會新app下注,新嘢有難度,盲摸摸試餐懵,才懂投下50元注,一直去到3點鐘,問聲老婆點呀?出街唔出?猛咁話得啦得啦,足知等到3點7與8才出街.
凍凍哋邊度都唔想去,就樓下試吓新開間M記,成4點鐘來到,依然有番咁上吓客,有了佢整個商場生晒,帶有開張coupon來,食夠30送熱朱古力喎?平時一樣我找位老婆買餐,餐還是以往一樣,一包一餐食粟米,老婆話加咗價喎?平時食33蚊,今趟要35元.

吃過玩過手機,坐咗好耐走人,街市買點菜返歸,又大風又凍,縮吓縮吓返歸,聶堂遇見隔鄰一家三口返,買有大盒靚玩具,妹妹拿住個氣球,我同佢講,玩具同氣球只挑一樣?妹妹立即掟個氣球過我,佢老豆話,一買咗這個玩具,街都唔肯行,要立即回家喎?我自己懶醒,手機有個好hit訊息,發射塔,點點就射出煙花,諗住比佢玩,一拿出來佢以經懂得去玩,佢呀媽話,我都未知點玩?佢以經知道用手指篤喎?妹妹真係精叻,今時今日資訊幾咁犀利,稍為hit啲全世界都知曉.

回家5點半鐘,買來有四季豆7蚊同個洋葱3蚊,

馬還有尾場未跑,老婆就搞衛生拖地喎,見尾場又手痕,又賭多10蚊獨贏,開跑LU,老婆拖地電視前樣來樣去,唉!結果吉埋,今日60蚊全軍盡墨,收復心情叠埋心水寫我今日blog.
夜成8點鐘煮飯,雪柜料有四季豆,洋葱,南瓜,芋頭,串豆卜,素雞同醃肉.


 
 炒粒粒,南瓜芋頭煮腩肉,蒜蓉炒菜心同串豆卜.
 
  又成9點鐘開飯5個人食1夜返留飯餸.