無咳瞓天光,扯氣似唔順,整朝在瞓覺,瀝源剪髮唔理想,晚飯一煲過兩人食.

昨晚食咗兩舊啤梨,喉嚨立即唔妥,都唔敢食?吸兩口類固醇,11多鐘都瞓,瞓前都幾驚又咳,好彩痰都無啖便瞓到今早7點鐘醒,瞓不返手機賴床,8點鐘起來,今次咳來講應該係無吸類固醇所至,唉!無偈,揑你唔甩為有繼續吸.

8點鐘起來,除條氣唔多順外,就無其他,洗面搞早餐食,餐後8點40分量血壓142/77-52,食過今早藥便上網寫下今早事.
辦埋大事又9點半鐘,今早事上網,上不到一陣,嘩?超眼睏,頂不住下,挨響電腦前瞓,恰輪眼睏11點多個侄來電,約好明天北上睇牙醫,唉?棚牙未至到甩清光,但遲早都要見次牙醫,睇吓乜情況都好.看輪電視1點多老婆返,例行上網遊戲,兩點多鐘頭髮長長不如去剪個髮都好,同老婆來個約定,到時沙田見.
單車過到瀝源邨,還是剪開間善理髮,又好啵,等一個客便輪到,跟住就好幾個客到,還好早一步,唔係就有排等,坐下講聲飛短,個女人就快到得人驚?拿個電剪係咁摌,心諗今次唔方剪得靚,前後都唔知有無三分鐘,盛惠30元.

離開出到大平台,至電個老婆講咗自己位置,然後用手機自拍,看有乜唔妥?一拍果然比平時差得多,唉!看來下次要另覓第二處.稍後老婆到,老婆發覺係剪得特別差,同老婆先行去食嘢,老婆又話薄餅,望吓水牌都唔抵食?我又不太肚餓,一直行去沙田中心,經過好幾間食市,發覺好多內地客,行到沙田中心,不如食公司三文冶,去到美心,又幾好啵?不用等有吉位,坐下左右隔離都係內地人.
同老婆兩人食過三文冶餐30蚊.

坐夠食過,老婆猛叫回去叫個女人修修佢啦,於是乎同老婆返回瀝源街市.過到去,嘩!門口坐滿等剪髮客,於是同個女人講.幫我修修個髮,似乎唔多順起角,髮腳一邊貼一邊又唔貼,又剛好佢剪完個客,就即時幫我修,一路修一路替自己便護,又話我剪短係咁啵?人就係咁?無個肯認衰,佢好細心幫我修,修好叫老婆來睇,老婆話好得多,修好同老婆都走,唉!下次我都無信心.
修後係唔同.
 
離開買餸,行過雞寶上759,都係無嘢啱買,行去沙田街市,都係無嘢買,再上卜佳,買有衛星包12蚊,西蘭花三隻10蚊,瘦肉17蚊,紅蘿蔔5.9蚊,合共44.8元.

離開同老婆兵分兩路,佢搭車我踩車回家,返回單車場,又見隻肥貓喵,喵,喵,

等人來餵,當我行近又走夾唔唞,

 求其拍過幾張相,老婆到,便齊齊返歸.
回家5點45分,老婆話眼瞓喎?就攤響梳化瞓,我就上網寫我今日blog,續後whatsapp到,佢佢佢又唔食,還好,今晚齋同老婆食.

7點50分我來煮飯,料雪柜遺留生菜,些少肉絲,雞蛋同些少西蘭花.

煤氣太勁,為有高火煮食,
 
飯熟食得,


 
 8點16分開飯,兩個人食.

 人少少特別開胃,煲飯全KO.