一覺天光,整朝上網,老婆機智換銀紙,報名旅行,三洋下午茶,麥記雪糕,晚求其煮兩人食.

昨晚12點都瞓,一覺今早7點半鐘醒,睡來唔錯,痰小咗,手機賴床,從來無注重過牙齒我,經此一役都要了解吓,睇完一輪護牙網,原來咁多嘢搞?知識貧乏無偈,以前痛襯就係蛀牙,蛀牙唔痛剝得,攪到今時今日所餘無幾.

手機賴輪床又9點鐘,起來老婆又貼下字條,晾衫喎?邊梳洗邊晾,新抱返早亦出門,搞掂搞早餐,食過量血壓151/77-55又超高,食過今早藥上網寫下今事,然後辦大事.事畢又10點17分再量次血壓146/75-58,無偈,今早事上網.
上輪網又11點45分關機看電視,有點會憤氣?再量次血壓127/77-54,咁都好啲?看電視到1點半鐘老婆返,例牌上網玩佢遊戲.
2點多鐘係時候報名旅行,兩公婆搭程車過大圍,先前籠底摷出幾張一千蚊紙,處處怕假嘢唔收極煩腦,過到大圍匯豐,諗住打散佢好用啲,入到銀行諗住排隊,老婆突然話排乜鬼吖?嗱淋走去食錢機,跟住戶口撳機吐現搞掂,哈?估唔到老婆醒番次?
搞掂就去匯景報名,去到有兩個C九在報名,杪下一排旅行資料,話個日子,比個職員睇,個職員睇過撳過電腦,令令頭話無一團當日有,兩個C九好失望話,咁多團竟然無團有?無奈下接過兩團成團單章離開,唉!要旅行都非易事.
輪到我問句日子,成團有幾個?其實我以經胸有成竹,有晒目標,只不過看吓有無突發性團種出現,佢比咗成團5,6個單章我看,一張張篩選後,嗰然有張大班石,千層峰三天499,見單章又山又水,問句是否行得厲害?佢話麻麻啦.咁就問句同目標團,英西湯泉度假村兩天相比,佢話當然英西團舒服得多,我話現報名坐什麼位,佢話21,22喎,我又話章程寫住,每團頭16位報名,可提升入住500呎獨立温泉客房喎?佢又問我幾多位,我話4位,佢話有不過坐位要27,28,29,30喎?我話點解呀?佢話有人訂咗唔去,哈!咁就唔駛諗扑鎚報,4位全數796元走得.
 
離開老婆話去食下午茶,話三洋個水晶粉好食喎,唉!是但啦,去到餐廳老婆就星洲米餐飲柑桔檸蜜43蚊,我當然老婆介紹既水晶粉配沙嗲牛肉同榨菜肉絲,飲奶茶32蚊.
 
吃過同老婆各自玩手機,佢遊戲我whatsapp,當然send我食緊的相片啦,我個女就覆我,就話三洋好味夠鑊氣,我就回覆一句,我女好煩臭脾氣,當堂窒住佢中氣.
吃後離開行街市,今晚佢唔食,佢佢佢唔食得我兩老食,行轉街市無嘢買,又走入麥記歇歇腳,兩杯雪糕7蚊坐靚位,
 
吃後又whatsapp輪,咁啱有個學生妹妹,好有禮貌問有無人呀?我話隨便坐,見小妹妹咁好禮貌,臨走前通知她們一聲,張她們霸櫈背包,放落我們張靚椅上.離開麥記老婆愛踱路,咁就一同沿城河邊踱回家.
返回家都6點20分,屋外好大個月光,

回家我都懶洋洋,真係好懶,好想今日唔寫blog,去到8點鐘,唉!才埋電腦寫我今日blog,一寫又9點鐘煮嘢食,兩個人食乜好呢?還是雪柜料,有西蘭花,雞蛋,冷飯同個即食麵.
 
我就西蘭莖蛋炒個飯,老婆就西蘭花淥個麵食.