睡來還可,信用咭年費,N年淘寶地拖桶+下用,大乜樂下午茶,晚飯4人食.

昨晚又輸我50蚊馬仔,馬後砲有點唔順氣,講乜都無用,唔中即係唔中,輸完馬嗱淋沖個涼,剛好12點鐘瞓,又大風又涼咗,好快便瞓著.

一覺5點多鐘醒,老婆在返工,去個所瞓不返,為有塞耳筒收音機瞓,還好一瞓8點多啲鐘,千禧年代,戴耀廷講選特首,一賴9點鐘起來,洗面搞早餐食,餐後10點鐘量血壓,152/83-55,唉?高得無論?食過今早藥上網寫下今早事.
辦完大事10點48分再量過136/76-54,上陣網諗起張信用咭,每年這個時候,又要至電咭中心,問是否收年費?都係早點打去,搞掂心安理得?熱線真係麻煩,打幾轉又要輸入資料,資料水蛇卵咁長,撳錯又來過,對答又非人手,無得問,聽聲指示來撳,搞掂留番個428912號碼過我,唉?實際都唔知係咪免咗?唉!都時再算.
搞掂又12點多啲鐘,看電視到1點半鐘,老婆返,還買舊豬展18蚊同10蚊粟米返,搞嘢煲湯喎?料有海星,紅蘿蔔,豬展,無花果,南北杏同粟米.

 成3點幾鐘落大乜樂,老婆就豬扒餐25蚊,我就燒鴨米餐27蚊,

吃過坐夠上超市,行轉買有旺旺燒米餅20蚊,兩罐三角嘜沙甸魚19.8蚊,

今日無須買餸返歸.
回家5點鐘,老婆搞衛生拖地,摷番套14年中淘寶買的,人仔42蚊地拖連桶來用,話好好用喎?

我就上網寫今日blog.
 夜7點40分來煮飯,有鹹雞一隻29蚊,昨日生菜一斤5.5蚊,

25分鐘雞熟

蒸鹹雞

腐乳灼生菜

紅蘿蔔粟米海星煲豬展.
 


8點45分開飯, 4個人食1夜返留湯飯餸.