睡來分段,裝個PhotoScan,整朝上網,游水600m,樓下大乜樂,晚齊齊做冬好過節.

昨晚12點鐘瞓,一覺今晨5點鐘,去個所回來又手痕,拿部手機望陣,諗住瞓啦,唉!誰知瞓不返,5點半鐘望住老婆返工,瞓不返為有手機續上網,又比我發現一個app好實用,叫PhotoScan,睇過口碑又幾好,有4粒半星,於是乎下載落來下,留待明天試試？一路上網到7點鐘,感覺個仔出門返工聲?我才放下手機,就係咁一瞓9點多鐘醒,唉!下次都係咪攪,要瞓就瞓,無謂睇手機.

9點多鐘起來,凍滾水都冇晒,煲大煲水,洗面擦牙,搞早餐食,早餐又係脆麵包浸鮮奶麥皮食,餐後以經10點鐘,量血壓139/78-57,食過今早藥,上網寫我今早事.
上輪網又11點多鐘,又試吓昨夜下載個app,又幾好喎?不用花錢買Scaner,又不用相影相,一掃瞄後老照變數碼相,

試玩後又差不多12點鐘,關機看電視.

1點鐘執嘢去游水,昨晚失眠諗起單車忘記上鎖,來到車場,嗰然真的無上鎖,還好有塊膠布冚住,單車無唔見到?單車過到泳池1點半未夠,更衣室搞掂一切上池,好太陽泳客比昨日少得多,稍熱身1點36分下水,池水比昨日凍得多,游咗50m才無適應,一口氣游佢600m,2點10分起水走人,更衣室搞掂一切,呀王放假我都走人,泳池門口至電個老婆,今晚不用煮不用買餸,就直回家再算.
返回單車場,鎖好部單車至電個老婆,話下來食大乜樂喎,走入大乜樂,又會比平時人多?難得找到張枱等老婆.
老婆到相量下買咗兩個豬扒包餐,老婆配紅豆冰25蚊,我就改熱飲奶茶,同樣25蚊,

吃過坐咗好一陣,老婆話凍喎叫著要走,是但啦,離開大乜樂又上超市尋寶,結果寶就無,空手下來,無須買餸便打道回府.
回家4點鐘,我就上網寫下今日blog.寫妥又輪到老婆來遊戲.
夜非常夜去到成9點鐘才人齊,開餐食我們冬至團聚一餐,料有盆菜一盆,燒味拼盆一碟,壽司拼盆一份,還有黑椒豬手一隻.

齊齊飲杯冬至快樂,人人健康.
再來原有汁底淥,有丸類,蟹柳同肥牛,淥一淥年年添福祿.

淥淥後繼續湯丸,食過湯圓團團圓圓.