老婆大懵瞓過鐘,停電烏整朝,游水600米,下午茶大乜樂,訂盆菜,晚飯兩人食.

昨晚攰攰哋十一點零都瞓， 半夜兩點多啲鐘 ，去個所回來瞓返，湯水多又要起床去個所，回床望吓個鐘6點10分，大鑊老婆還在床？嗱淋拍醒佢，原來唔知醒？嗱淋連面都無洗，便沖沖出門返工，我亦瞓不返，為有手機聽歌瞓。
矇矓到8點鐘醒，收音機千禧年代，林鄭參選特首，聽輪8點幾9點起來，開燈何解唔著？以為個士撻鬆啦，拎佢兩拎還是一樣？大概都係停電？但走廊又有燈啵？都係唔理住搞早餐食，吃後至電房署，原來年檢，要等到今晚6點鐘喎？無電乜都唔駛做，為有手機寫住blog先，寫下今早事辦大事。

事後玩吓手機,恰吓眼瞓又12點多鐘,執嘢去游水,姿姿坐坐成1點多鐘出門,自從單車蓋咗帆布後,內便部稍新單車,好耐無用過,似乎無乜氣?唉!麻煩啲摷佢出來,撳吓條呔,唉?谷德超話事解,幻覺嚟架?有理無理,又用吓佢啦,踩到城河單車出租處,無蝕低都係打打氣,求其揼揼走得,過到泳池1點37分.

更衣室遇見員工肥仔,又吹輪旅遊水,時間關係,講多無謂,稍熱身都上池,1點57分下水,一條氣游佢600m夠數,2點28分起水走人.

更衣室搞掂一切,同呀王吹陣水走人,今晚兩隻嘢唔食飯,無須買餸,直接返歸,回家樓下至電個老婆下來,大乜樂下午茶,老婆26.5元,我個25元,
 
吃後講起團年飯,都係叫盆菜加火鍋算,順手攞張大乜樂盤菜單張睇吓,原來dbs咭訂有折,重係今日18號限期,嗱淋whatsapp過群組個女睇,係就快手.

whatsapp輪就行超市,見廁紙兩條49.8元平喎,買多無妨吖,於是執兩條,吉則一次性鬚刨9.9蚊,香蕉5蚊合共64.7元走人.

回家毛毛雨,返歸5點38分,上陣網跑馬,踱陣馬仔無頭緒,而持有dbs個女busy,無暇訂盆菜喎?為有老婆走去訂,我就來煮飯,料有長椰菜,粉絲,豆卜,三文魚骨同蝦米,誰知個女來電,話食唔食喎?為有抽起啲蝦米.一於三文魚骨滾湯一煲過。

9點10分鐘開飯,三文魚骨兩食.
三文魚骨長椰菜豆卜粉絲煲.
 
香煎三文魚......骨.

瓦罉飯一煲.

 9點10分鐘開飯,同老婆兩個人食.