英西湯泉度假村兩天 (首天上)

2017年1月3日  英西湯泉度假村兩天.(首天上)

昨晚執妥行裝11點鐘都瞓,一覺今晨5點鐘醒,旅行前夕,能瞓如此多鐘,已經好滿意,瞓不返,手機賴床,5點40分起來,老婆亦醒,齊齊執妥一切,食過早餐6點30分出門.

7點56分來到福田口岸,匯景22旗報到,

導遊叫8點05分就此集合,見還有點時間,就拍番幾張現場環境,又找吓有無wifi點?哈,又比我找到,由於時間緊迫,圖片都未及拼,便要發出,嗱淋返回集合點.
 
集合其間真係人生百態,一百歲唔死都見唔晒?本來人齊出發,誰知人說有兩個去咗買早餐未返?個導遊就話,咁就等多5分鐘啦.
 
在等其間,有人向天橋方向大叫快啲啦,成團人等緊你呀?嘩!個女人回來就滅蝦拆蟹,嘈乜X嘢啫?去買早餐唔駛時間架?你估會飛返嚟?跟住又滅蝦拆蟹,燒佢數薄啦,去到堔圳灣又嘛要等?嘩!有無搞錯?咁都咁大條理由?跟住一路行,一路都係大大聲媽义,連佢party中人勸都係一樣.

原來口岸交通阻塞嚴重,旅遊巴不進泊近,要泊到舞雷公遠,跟著導遊係咁行,旅行團出發太多人,同大遊行一樣,源源不絻,搞到交通大阻塞,原來要去到水圍隻船度咁遠,在安全島遇見團友亦是游水友,來不及傾兩句,又要繼續行,

終於來到停泊旅遊巴處,對面遠處就係水圍隻船.

 在等旅遊巴其間,個爛撻撻女人,就開餐一路食還是不停咁XX,其實一路行,佢party中年長啲,都勸過佢算啦,但都無用,來到這裡才稍為收口,因為要食佢早餐同吸煙.

到食完早餐,好衰唔衰部旅遊巴等極都未到?其他旅行團一車車咁開走,真係等咗成半粒鐘都有?,哈!條女人又來媽媽义义,又話要罰個司機乜乜勿勿?個導遊忍不住口,話到時你同佢講啦.
成8點48分旅遊巴才到.
 
旅遊巴唔錯雙層,陸續上車,個個坐回自己位,相信個女人party報名時有先有後?坐位分散,爛撻女人本應坐我隔鄰,佢就同佢長輩對掉,坐咗去前便,坐咗前便後,就叫對長輩走上前去坐佢隔鄰,長輩話堔圳灣有人坐架?個爛女人話,話之佢啦,叫佢坐後便囉,後便大X把位.
去到堔圳灣,以經成9點15分,可能交通問題?停的地方同以往不同?比以往更近堔圳灣,可能遲咗到,交通無咁忙卦?
好快堔圳灣團友陸續到,包刮我兩位朋友,整團41人,50多坐位,大把吉位,我都走去同朋友坐,有伴吹水.
離開堔圳灣,10點34分來麻涌方便,去個所伸伸腰.到上車期間竟然遇到對好面熟夫婦?不約而同說,那裡見過?大家都無法想出?為有大數過去旅行團,到講中個名,又講吓內容,無錯啦,就係上次三百山温泉三天.
 
離開麻涌12點27分,來到行程首餐飯,這間騰逸酒樓.

編排食飯,咁啱同三百山團友一枱?上次同枱今次又同枱,真係有緣,佢4個人,我又4個人,及一對夫婦,合共10人一圍,首餐叫豉油皇靚雞宴,隻雞又似乎幾得吓,其他有魚有菜都唔錯一餐.

飯後行出門口坐,原來兩團車都到咗,同在這裡開餐,

在門口wifi咗陣,發過訊息後,四維岳吓,原來這裡清遠,清新區217巴士總站.

13點20分離開又出發,沿途山景可見,



3點鐘來到該團首個景點,小趙州橋同永豐祖廟.

沿途遍遍爛地,遠處山景就可觀,

3分鐘行程來到小趙州橋,

過百年歷史喎?



橋前橋後拍過,人上橋面又影過,

團友以經急不及待要買嘢,

土產菜心同筍乾

步過條橋,爛地依然,

15點14分來到永豐祖廟,

古廟一間,

祖廟就面向山景,

離開祖廟,16點11分來到行程主角,英西湯泉度假村.

由於篇幅過長,下篇再續.

度假村簡介

英西汤泉度假村

英西汤泉度假村位于广东省清远英德市的黄花镇（以前称明径镇）的辖区内。黄花镇是英西峰林风景区的主要组成部分。

英西汤泉度假村于2016年10月1日开张营业，计划建设100间客房，目前可用数量59间（其中：大床带温泉池夫妻套房6间，情侣双人带温泉池套房26间，豪华双人房27间）露天大泡池5个（同时可容纳约100多人浸泡）。餐厅能够同时接待200人就餐。可提供150人开会的会议室。并配有麻将房，卡拉ok室，红茶吧，烧烤吧，极速WIFI上网，提供自行车游绿道，等运动休闲设施。

度假村座落在彭家祠景点山脚下对面，面对黄花溪竹筏游景点，自然景观似桂林。周边景点众多，主要有：九龙小镇、洞天仙境、小赵州桥、九重天、峰林日出日落、攀岩、徒步、骑行绿道等等。夏天还有黄花溪双人皮划艇、老虎谷漂流，一年四季有水果采摘、花卉观赏。

主要美食：黄花走地鸡、山水豆腐、绑扎肉、山坑鱼仔、清水鸭、黄牛肉、鲜豆腐花、地道南瓜饼，到英西峰林走廊旅游，汤泉度假村是目前高档酒店的首选。

料來自網上