2011年6月26日 星期日 呼和浩特~山西大同
晨早4點多啲又醒,碌極都係瞓唔返,起床梳洗做埋的工事,又幾好喎,5:44拉開窗簾望吓,一早以經光晒,視野都算幾好,望陣呼和浩特市.
6:30執妥行理放門外,便落酒店餐廳早餐,時間尚早,昅輪行程,國航酒店啲早餐相當唔錯,
人小小第一時間走去煎隻奄列先,
然後執完一碟又一碟,剛好團友稍大姐姐到,梗係叫佢幫忙影張早餐照,飽飽後拿走兩杯酸奶同兩個桃仔,一於食夾拎.
7:45臨上車我去個所,老婆就行先,去完所出來,竟然剩番我們兩件行理?個bell boy在傍邊等?老婆呢?望極唔見人?失踪咗?發晒矛的去揾領隊,領隊話等我幫你揾啦,唉!原來老婆老早上咗車,忘記要確認行理?老婆見我咁張揚,閙鬼我?唉?大佬呀,行理最後人唔見,我點知你去邊啫.
離開國航酒店,途中蒙古地陪,將會任務完成,先行送每們一隻羊仔作紀念.
QQ呀,
8:33來到今日第一個景點昭君墓,
墓都幾大,兩位稍大姐姐仔幫忙,我倆影番兩張招牌相,
便各自參觀,面前一條直路,兩傍有博物館之類,我同老婆就直行到篤,行到山丘腳,老婆話要上頂,我話你上到夠,我對腳好唔掂?就這裡等你.
老婆山丘上拍的.
老婆回來我們就求其挑兩間館行吓就算.
9:30離開昭君墓,途中9:44蒙古地陪任務完成,要說再見了.
導遊走後11:27來到殺虎口,稍休息鬆鬆,咁歷史性地方當然影相啦.
北京導遊話沙棘正喎?4蚊雞支,輪到我買時賣晒,唔凍都殺,至多擺落冰箱臨走時才拎走.
有隻驢同牛經過,認真執輸,人家影個正面,我就影個牛屁股,
11:45離開殺虎口,13:08來到本團重點山西雲岡石窟,嘩!好興奮,接過山西地陪,便進入一個仿古消費區,可能日子非旺季,旅遊人仕唔多,認真舒服,
就在這間常來順吃中午,菜式都唔錯架.
路邊的賣花生糖,王府井都見過,用鎚係咁中,係咁反,有試食既團友話好鬆化喎?
山西地陪講輪概要,
就開始進入好期待的雲岡石窟.
要下篇待續LU.
- 係咩嚟架??
- 而家大陸導遊咁識做, 送羊仔添, 香港無得比囉
- 好靚呀！
