睡來尚可,肩膊痛,手機續寫我誌,759車仔麵,電腦竟然復活,晚飯4人食.

昨晚不停找買電腦資料，搞到右肩膊極度痛楚，搞兩搞成12點幾至瞓，夜瞓難眠，好耐才瞓得著,晨早6點鐘以經醒，好彩後來又瞓返，8點鐘醒來,手機賴床到9點才起來，梳洗後搞早餐，無電腦用為有用個女部老爺手提，誰知又上不到網 ，搞咗輪插埋線都係唔得?嘥氣。

辦完大事至電過侄，問吓佢買電腦識得有人無?係無的，話現在在南澳渡緊假喎?講輪電腦資料，又講吓人情世故，家簇恩怨情仇,講咗大輪，都係唔阻佢渡假收線。

電腦上不到網,為有用手機寫我blog,右肩膞痛都係不敢寫得太耐,費事得不償失.
看陣電視1點多鐘老婆返,叫老婆幫我洗咁啲凍天衫,搞掂老婆攤唞吓,兩點多鐘係時候外出食嘢兼買餸,老婆話要吃車仔麵,咁就搭程車過市中心.
過到好運商場3點多啲鐘,759每人食個三餸車仔麵59.8蚊.

 吃過坐夠買餸,先行百佳,買有特價香蕉6蚊特價火龍果6蚊,瘦肉20蚊同西芹1捰6.9蚊,蚊,然後沙田街市,買份三文魚頭10蚊,合共48.9蚊走人.

搭程車返歸1710,電腦壽終正寢幾天,每次久久開機試吓,每次總是BB聲無畫面,等咗好耐都係無,今早都抜晒滑鼠同條Lan線,判咗死刑,哈!誰知買餸回來一開,BB聲無咗,等咗陣有埋畫面,嘩!大佬似乎復活?慢慢竟然郁得番,嗱淋插番啲線,哈!又C唔去,上得網寫得番嘢,話之你用得一陣就一陣.

正開始寫我blog時,個衰仔返,發覺電腦開得番,問我佢啲N年檔案?嘩!大佬電腦最艱難時,我以經掉得就掉,無晒囉,佢當堂黑起塊面,你有乜理由唔問過我就掉晒我啲嘢,大佬我又點知你放在這裡,無backup到?你的嘢你應該自己處理好嗎,發晒脾氣,唉!大佬我唔想同你嘈,嬲爆爆關門入房.
見電腦開得番,試吓個外置Hard dis揾吓,還好佢啲嘢還響度,找到後就嗱淋寫我日誌.
一寫1712老婆煮落飯,追我來煮餸,唉!為有放下自在煮餸,料有南瓜,茜芹,肉片,料頭同三文魚頭.
 
炆三文魚頭,
 
肉片炒茜芹,
 
 蒜頭豆是煮南瓜,
 
2019開飯,4個人食1夜返留飯餸.
 
 飯後果火龍果同蕉.