晨早醒夢見父母,整朝寫我blog,下雨游水告吹,食大家樂,食雪糕,晚飯4人食,

昨晚出埋長長篇blog,搞兩搞成12點幾至瞓,還好一撻即著,非常好瞓,到醒來老婆已不在床,還以為今鋪會瞓得好晏,望吓個廳,老婆正在返工,唓,原來才5點半鐘,見醒咗又嗱淋將張棉被卦上窗上,等太陽出來曬,搞掂瞓番落床,希望能瞓多陣,誰知稍為微微睡著,就扎醒?發咗個好奇怪夢,夢見度大門虛奄,有些少開咗,於是埋去拉開睇吓,原來係老豆,眼濕濕的入不入來之間,我就拉住佢隻手,問佢做乜呀?睇佢咁樣子,似乎有點冤屈?我話你入嚟啦,跟住後便係呀媽,同老豆隔幾個身位,我就扎醒了,望吓個鐘才0655,見每次發夢到後來都係忘記,於是即時用手機寫下.

寫完以經7點半鐘,見還早好想瞓多陣,為有收音機塞耳瞓,一瞓8點半鐘醒,手機賴陣床到9點鐘起來.如常梳洗搞早餐食,餐後0923量血壓133/77-53,食過今早藥上網,執執今早編blog.
辦過大事上輪網,見網友留言想去內蒙遊,話唔見我個遊記,於是摷摷,去北京內蒙係2011年6月,本blog開自2013年,應該係雅虎時代,記得雅處摺時大逃亡,便寄存在易點網,於是走去一摷,真難搞,都幾難睇得番,唉!等我來看吓,能否重見天日,一搞又一個上午,嘩!以經1300LU.
嗱淋執嘢去游水,諗住比番3蚊過呀王,執好嘢出門,望吓街外,嘩?個個担晒遮,

天陰有點雨,唉!諗落都係唔好去,無太陽到時冷襯重弊?唔去就揾啲嘢搞吓,熱天到,抽氣扇風吹不到老婆嗰邊,不如搞搞佢,用紙皮整個兜風,缷去老婆嗰邊,在整其間老婆返到.
老婆回來又要攤番陣,成3點多鐘同老婆落街行吓,太晏都唔行遠,就商場食大家樂算,要個炸雞髀餐25蚊加個肉絲米粉6.5蚊兩個人食.

吃過坐夠行惠康,買咗份特價啤梨5蚊走人,見日本城88折,橫掂都要電心,就買排10.1蚊電心走人,行經麥記,老婆又口痕,又走入去,用胃食咭13.5蚊買一送一,兩個人食

吃後坐夠走人,街市買10蚊瘦肉,買兩隻節瓜4.5蚊返歸.

回家1715,今晚有馬跑,早點處理餐餸,料有京葱,冬菇,瘦肉,節瓜,蕃茄同雞蛋,

蒸釀節瓜,

煎釀京葱,

蕃茄蛋.

 新抱返,2000開飯,4個人食.