陽光保利酒店+台山星泉温泉酒店三天(2)

陽光保利酒店+台山星泉温泉酒店三天(2)

2017年5月3日 星期三

昨晚場歐聯皇瑪對馬體會,無福消受,恰吓恰吓的睇,半瞓下一直捱到完場,簡直不是味道,接著又拳賽,重係重量級嗰隻,唉!好想睇,C撐下都係睇啲唔睇啲捱天光,恰番陣以經6點多鐘醒,瞓不返,為有露台睇日出,拍吓照晨光初露.

樓下是哥爾夫球場,綠油油一遍,超正.

梳洗好執妥行理,0740拖埋行理,同老婆落地下感受吓,

遊完一輪0800旅遊巴到,便離開保利公寓酒店,

還是昨晚晚飯的海利漁邨,食我們早餐,早餐粥粉麵,粥就係所謂海鮮粥,撈落有蟹仔,重有個地道嘢,豬腸碌.

飽飽後就開始今日行程,0911來到今日第一個景點,一夜埕風情街.

一小時自由活動,藍博士又施展佢啲口水功,我哋就跟住行，了解吓情況,一於睇啱就出擊.

我就執三包嘢,有虾皮,紫菜同海帶,每包9蚊人仔.

離開一夜埕風情街,1107來到第二個景點,叫漁家風情館.係賣嘢兼食飯一間館,館相當大,展埋啲古老嘢,又古爭又魚標本,好多嘢,最抵C整個冷房,展示啲魚標本,入去凍到隻狗咁,係咁易望吓,拍張照都嗱淋走出來.

出來有個園仔,見藍博士指手劃腳,又埋去了解吓,

話食得喎?我又摘兩粒,酸酸尾尾咁啦.

經過園仔又進入超市,賣土產呀,之後就在這裡開飯,

喱餐叫陽光特色鵝乸飯,飯未到藍博士又呱呱嘈,人家個鵝乸係壓尾的,比佢嘈兩嘈,導遊急急去廚房追兜白飯出來,到我裝好白飯,鵝乸就到,搞到我要放棄碗白飯,裝回碗鵝乸飯,又幾好食.

吃飽飽,門口有檔大樹菠蘿,嘩!10蚊盒大大盒,超抵食,同老婆又整盒上車慢慢食.

離開所謂漁家風情館,1310來到今日第個三景點,陽光十八子,以前都來過多次.

哈!持刀拍照都好幾次,遊完又係行超市.

舞輪刀槍敲輪鼓,又進入十八子超市

超市略睇吓,坐輪同團友吹陣水，1400便離開陽光十八子.
1548來到今晚入住的台山星泉温泉度假酒店,

進入酒店派過房咭,就食我們該團第五餐(奶茶一杯,菠蘿包一個)房間就舊啲,勝在地下就係温泉同泳池,方便嘛.

放下行理便浸温泉同游水LU,温泉規模細細,花款唔多,都好正架,當然要蒸吓桑拿啦,血壓高心臟病的我,都係有限度的蒸,無謂累街坊呀.

浸過水力按摩過更比魚仔啄過,跳水係我至愛,當然要表演吓啦.

游過浸過蒸過魚療過,1810開飯LU.喱餐叫温泉餋生宴喎?都OK吖.

飽飽後諗住出街行吓,誰知行無遠，有大工程建路,沙塵滾滾,都係返回酒店,食我們第六餐,蕃薯糖水一碗,吃後又夜幕低垂,同幾個團友聊天,

聊兩聊,大家都覺得,到消夜時間還有段距離,決定又齊齊再去浸温泉,返回房間正準備去浸温泉,發覺床邊一大撻水,連被都濕埋,還以為沖涼房滲出來,後來揾隻手去截吓,係冷氣機漏,諗住一晚咁多,唔鬼理佢,後來還是通知導遊找人修理.

落到温泉區夜嘛嘛,在最大個温泉池浸,咁啱同團友婆孫一齊浸,池水很淺,婆婆又認識威龍,就傾吓威龍blog友事,傾兩傾突然老婆大叫BB呀,眼見BB趴響水面,四腳爬爬係咁掙扎,佢婆婆立即秤起佢,嘩好險?BB狂喊到七彩,相信都飲咗幾啖水,人仔細細腳一離地,便四腳爬爬,好彩發覺得快咋,差點嚇C,事後我都有點內疚,傾乜偈吖?續後我都頻頻問住BB,有無嚇襯呀.
這晚集中在個大温泉池浸,其他太黑有蚊子都無去,浸到2030係時要走,返回房間梳洗好,係時候落餐廳食我們第七餐,消夜.
消夜有炒麵,水餃,咸水角,菜同瘦肉粥,唉!都食唔到幾多LU,咸水角純糯米做,差點連假牙都拉埋出來.

消夜完返回房間,馬跑到第七場,想話買番10蚊雞,結果趕不及,為有第八場,小注10蚊,哈!中番條位置Q287.5元.執番些少我都瞓LU.

就係咁又結束這天,又要下篇再續.