睡來唔錯,耳續嗚,整朝上網,回憶錄心臟,游水600m,樓下大家樂,晚飯4人食.

昨晚早早關電腦11點鐘以經瞓,一覺今晨6點多啲鐘醒,睡來唔錯,收音機賴床,8點鐘起來,陽光入屋,梳洗搞早餐上住網食,稍為靜些少,左耳感覺還是嗚,都係無得救,寫下今早事,上陣網,
新聞一單,工廈奪命火,少女悼念情女,手腕紋忌日,唉!嗰廿歳女,將來嘢又知得幾多呢?凡事都係有點保留好啲.餐後0921量血壓124/66-51.
辦妥一切事務又10點鐘,新抱番工,我又繼續上網,又回憶錄心臟,一寫又12點半鐘,係時候唞唞.
1點鐘執嘢去游水,單車過到池1325,更衣搞掂一切上池,陽光超猛,有蓋位熱身,滾水淥出池,1340跳水式下水,慢游600m,無聊又數下,一個50m塘,要蛙多少吓,結果係55吓蛙手左右,1414夠數起水走人.
更衣室沖個靚涼,同呀王吹其間,見到個家庭,一個年青男人同對子女,正在儲在物儲物,女的都7,8歲,而則近條泳客赤條,呀王有見及此,埋去勸喻,個女仔應該去女更衣室,我就多咀補充句,出便有家庭式儲物柜,有個獨立更衣室的,不如我帶你去.去到儲物柜,明顯同內便更衣室不同,柜門無匙?哈!我就無用過?你去問食蕉啦,原來要登記才有匙開柜門.
返回單車場3點鐘,至電個老婆下午茶,以經3點鐘,找張靚枱等老婆,等咗陣來個女人問有無坐?當然無,我只要前面一個,眼望四周,須然張張有人坐,但好多都係一人坐,哈!又會偏偏鍾情我張,還個好大份男人來,說話都好大聲吓,唉!以為有張靚枱靜靜哋啦?
坐咗陣老婆到,環顧四周,咦?一指老婆柱則有張兩人枱,拿淋走位,老婆試新嘢,焗薯餐21蚊,我就火腿牛肉通粉餐27蚊.

同老婆寧靜下傾訴吓,又手機夠走人,茶後經麥記,老婆話10兩個漢堡包,點解唔食?哈!麥記漢堡以無食好耐,又點記得起佢吖.
茶後行轉惠康,買有特價橙五隻10蚊,大罐地捫茄汁沙甸魚22.9蚊,街市買斤紅莧菜6.4蚊返歸.

回家1624,老婆處理買來的菜,我就上網寫今日blog,7點鐘煮飯料有甘菇,昨日梅菜肉餅,手指茄,同紅莧菜.




腐乳甘菇煮茄子,

蒜蓉炒紅莧,

香煎梅菜肉餅,

2007開飯4個人食1夜返留飯餸.

飯後果橙.