睡來尚可,鄰舍手信,整朝上網,樓下大家樂,昨日菜料今日煮,晚飯4人食.

昨晚趕埋篇blog,10點零有人敲門?原來係鄰舍X太,送來手信,日本旅行喎?又係日本,百份90都係日本,三仔一女的母親,唔駛講梗係個女請去,果然bingo.

出埋編blog諗住網上睇英超啦?誰知窒到飛起,無得睇,為有早點上床,瞓前還是手機陣,就係咁一覺近5點鐘,去個所回來何解無咗副眼鏡?揾極唔見,原來在地下,非上好彩無踩爛,不用說,肯定瞓著跌眼鏡?續後難入睡,到近6點老婆起床,還是要歌仔塞耳瞓,一瞓就0717,倫敦BBC時事一週,聽至8點半鐘起床.

起來老婆留下字條叫晾衫,晾妥梳洗妥搞早餐,麥皮麵包食住上網,寫下今早事,餐後1001量血壓107/68-60,又會咁低?辦妥一切事務,1027再量次117/63-57.
無所事事又上網,又寫我回憶錄,一寫又12點鐘,唉!寫唔掂?関機看電視.恰陣眼睏1點多鐘老婆返,老婆回來又電腦遊戲,玩夠又瞓陣.
去到3點鐘,係時候落街下午茶,無乜選擇還是大家樂,老婆鐵板烏冬餐30蚊,我就清啲米粉餐23蚊.

吃過老婆手機遊戲,我就忘記帶眼鏡,就矇查查下玩手機,坐夠都走人,商場有表演,合家歡細路嘢.

望吓就行轉惠康,無嘢好買便經街市返歸.
回家4點多鐘,個仔以回來,話巴士站有牙膏派喎?老婆話唔早響?百無聊賴,為有又上網.
夜1900煮飯,昨日的菜料今日煮,料有節瓜,魚胶,南瓜,三文魚骨,青尖椒,同秋葵,手指茄就無煮到.

50分鐘釀妥三樣,煎得.

煎釀三樣,

三文魚骨滾節瓜,



2029開飯4個人食1夜返留湯飯餸.