睡來唔錯,老婆放假,行轉禾輋消費201.7元,晚飯4人食.

昨晚飯後依然youtube到11點多才瞓,夜所兩劑瞓到0610醒,歌仔塞耳矇矓到7點多鐘,轉新聞賴床到8點半鐘起來.

睡來唔錯,老婆放假已醒,在手機賴床,太陽超好搞搞曬晾,洗面煲點水,刮刮鬍子,番熱木耳漿上住網食.
餐後0948量血壓145/77-52,又會咁高?辦完大事1014再量130/66-55,咁都好啲,才食今早藥,上網到12點鐘,同老婆出街.
落到街咁早去處好呢?還是同老婆行去乙明對開公園,過到去嘩!?一滴風都無?坐陣都走,又走去瀝源橋頭亭坐,這裡有點風,涼陣坐陣過橋,怕熱老婆熱得怕怕,嗱淋走入城市廣場.
食市超多人,以經1點多鐘,門口還是咁多人等位食飯?可想而之香港經濟如何?碰啱有表演,又坐陣睇吓,原來弱智人仕表演,樓梯級坐陣,食蕉來叫我都走.

離開直向禾輋方向行去,途中瀝源大快活中坐陣,老婆又話唔啱食,坐陣都繼續行,去到禾輋商場,我對腳以經夠晒皮,老婆要食意樂,是但啦?等咗陣以經有位?老婆雞扒包配沙律餐29蚊,我就烤豬扒焗珍珠飯餐37元.

吃後坐夠whatsapp過行商場,臨時店買有煲湯袋12蚊,星盆隔6蚊,行經759,嘩!乜縮晒水?以前大大間,現在得番半間?剛才瀝源間探過料?無我早餐要鮮奶賣?來到這間縮水759又睇吓?行轉哈?又有喎?須然略加咗價,但66折一計9.6蚊盒,同以前買一樣,我話買4盒算啦,老婆話一係唔買?買就買5盒,其他買有台灣粉絲兩包9蚊,強力小麥粉兩包7.2蚊,薯片一包7.6蚊,合共70.8蚊走人.

來禾輋商場目的係12蚊店買手表電磁,12蚊店一睇,唉!有就有?不過係12蚊兩粒咁多?咁Q貴點襟用都無用?還是返回日本城買,12.9蚊一排有10粒,都諗住搭車走人,誰知落雨?不如行轉吉豬啦.
行到熟食部,見有特價菜餸賣?15蚊個餸,立時想起,不用買不用煮幾好吖?同老婆30蚊買咗兩個菜走人,

行出馬路,眼白白送車?還好等陣以經有二部.
返回自己街市,諗住買條菜,誰知又貴又唔靚,結果4蚊執兩條白茄子返歸.



回家1645,諗住上網寫今日blog,誰知極度眼睏,恰咗陣才寫我今日blog.
1940煮飯,獨煮個熱腐乳白茄子,翻熱兩個外賣菜搞掂,15蚊個大大個,確係抵食.

2029開飯4個人食1夜返留飯餸.