金寶湯
40年代末金寶湯這裡灣仔誕生,出生時肥得很,像一盆發酵團粉,同屋一位打住家工馬姐,叫銀姐,見我咁大份,就按我花名稔孩,意思好大稔孩兒,家鄉四邑,鄉音下棯孩,變成(爛蟹)自始街坊朋友仔就稱我爛蟹LU.
家有個爺爺,從事船塢維修工人,父親做建築,承判木器判頭,母親主婦,一個大我好多年好惡家姐,一個大我兩年哥哥,一個細我5年個妹.本來還有個大家姐,老豆話日本仔打仗,病無藥瓜咗LU.
以前無幼稚園架嘢,適齡就跟隨大佬入讀這間漢明學校.唉!讀書奇差,無記性,默書讀千篇都係零雞蛋,年年留級,日日留堂,罸企打手板不計其數?最沒忘記,全日制中午留堂,母親帶飯來例有隻鹹蛋.回想讀書時唔入腦,?一定係有病?
年年留級,當然瘀到爆,C螺爛螺梗係要轉校,一轉就來到莊士頓道這間叫台山學校,圖圈住個位置,
升讀5年班,體育堂就近喇,就斜對面修頓球場,讀咗一年,讀個屁,爛泥又點扶上壁呢?又紐個老母轉校.
一轉就來到這裡三板街,一間叫香港學校,又讀五年班卦?
讀完叫做升六年班?可能地方所限卦?要來到這裡莊士敦道英京酒樓則邊上學,樓一層課室一個,記得校長有對唔知個侄仔同侄女做同學,讀書奇差我,矇查查就讀完個六年級LU,唉!畢業好似有影相,相最後好似無去攞,証書我就無,校長話若果有需要才給我喎?
就係咁就完成我小學生涯LU.
家有個爺爺,從事船塢維修工人,父親做建築,承判木器判頭,母親主婦,一個大我好多年好惡家姐,一個大我兩年哥哥,一個細我5年個妹.本來還有個大家姐,老豆話日本仔打仗,病無藥瓜咗LU.
以前無幼稚園架嘢,適齡就跟隨大佬入讀這間漢明學校.唉!讀書奇差,無記性,默書讀千篇都係零雞蛋,年年留級,日日留堂,罸企打手板不計其數?最沒忘記,全日制中午留堂,母親帶飯來例有隻鹹蛋.回想讀書時唔入腦,?一定係有病?
年年留級,當然瘀到爆,C螺爛螺梗係要轉校,一轉就來到莊士頓道這間叫台山學校,圖圈住個位置,
升讀5年班,體育堂就近喇,就斜對面修頓球場,讀咗一年,讀個屁,爛泥又點扶上壁呢?又紐個老母轉校.
一轉就來到這裡三板街,一間叫香港學校,又讀五年班卦?
讀完叫做升六年班?可能地方所限卦?要來到這裡莊士敦道英京酒樓則邊上學,樓一層課室一個,記得校長有對唔知個侄仔同侄女做同學,讀書奇差我,矇查查就讀完個六年級LU,唉!畢業好似有影相,相最後好似無去攞,証書我就無,校長話若果有需要才給我喎?
就係咁就完成我小學生涯LU.
圖片摘自網絡
我以前讀小學係分上下午班, 所以我重以為全日制係近尼三十年o既事添! :p
回覆刪除哈!以前?好多回憶.
刪除咁你咪只有4兄弟姊妹，見你過年例返大佬處拜年，佢又送自家種蔬菜比你，雖不是常見，但都叫係咁啦，你细妹就駕黎D,來探你次次滾水碌腳。
回覆刪除你小學無記性，但現在的你，家居維修，手機电腦寫blog樣樣掂。
係呀,家家有難經,好多嘢,個個人唔同,家簇命水命運唔同,無得解釋.
刪除各有各演繹吖,都7老八拾,要係咁都無辦法.哈!過年到今日,來都唔來吓,我都費是上心.
係呀,有時子女讀唔到書,並不是懶同勤力,你話我迷信又好,有啲父母名都唔識寫,子女成才個個猛人,遍佈世界各地呀.
我嗰段時真係讀唔到書,簡直唔入腦,個家姐睇到我實,打到七彩,眼各都打爆,都係唔得,到成廿歲才叫讀得吓,我出來學師,唔好話睇簡英文字唔識,連中文二份一都唔識寫,(1/2)重頭學起,比起啲中學程度出來做事落後幾多?到臨老有電腦亙聯網才叫懂啲嘢.
老照片令人無限懷緬呀, HK變化好大
回覆刪除廿幾年前冇想過今日科學咁發達, 可以上網知天下事.
係呀,以前一傳十,十傳百,現在一傳無限,唔上網浪費一生.
刪除金寶叔叔:我係蕃茄麵~
回覆刪除很開心可以回顧你年代，很有趣味性
哈!知,無聊學人寫吓啫,寫得唔好呀.
刪除