世杯下睡來尚可,老婆放假,煲水差賴嘢,走轉旺角攞把遮,買生果,晚飯4人食.

昨晚趕埋篇blog睇埋場世杯,巴西2對墨西哥0,啱啱好12點鐘瞓.

有點難度下終於瞓著,0344扎醒,咦?似還未打完?嗱淋起來,嗰然比利時對日本2比2, 法定時間 尚有10分鐘,諗住坐定定等睇時?誰知補時最後1分鐘,比利時一記快速反擊,日本仔玩完,睇埋幾個精彩入球,0405我都瞓LU.

一覺醒來0748,去個所就瞓不返,手機賴床,一賴成9點鐘,老婆放假亦已醒,我亦係時候起床.

梳洗搞早餐,老婆放假就整個芝士蛋冶兩個人食.
餐後1025量血壓139/79-53,老婆就電腦佢遊戲,我就煲下煲水玩手機,老婆入廚一望呱呱嘈,煲水得番半煲,唉!嘥水嘥gas兼嘥心機.
1點多鐘係時間要出外走走,就搭程車出旺角,攞馬會傘,出到去山東街兩點鐘,禮品中心這裡排陣隊,雞遮一把搞掂.

搞掂就揾嘢食,一帶貴過乜?單雲吞麵碗都要賣29大元,我哋啲老人家,不外乎連鎖快餐店,記寛敝又舒服,坐幾耐都無人趌,經旺角街市一路來到亞皆老街,

再行前喱間老麥,兩個特價餐48蚊.

吃過坐夠行街市,

生果相信無邊度夠佢平?行轉又行轉,敲定槌買咗兩磅茘枝10蚊同五隻牛油果15蚊走人.

茘枝當造多到無倫?其他生果都好多,還有巴基人賣巴基芒,一嚿水有6有7隻?

離開新填地街等車,九巴sapp告訴我6分鐘有車,結果等咗我3個6分鐘才有車,車上食茘枝,粒粒核細細.

塞車關係全程坐咗我53分鐘,回家1703買來有茘枝兩磅10蚊,牛油果5隻15蚊,

自家街市買有椰菜,薯仔,蕃茄三樣14蚊,葱就送嘅.

回家老婆處理今晚餐餸,我就上網寫寫blog,網上見尼馬咁大動作,連名宿簡東拿都笑爆佢,呀茂整餅,我又整條笑吓佢,

2050老婆煮好飯,追叫食,料有豬扒,椰菜,蕃茄薯仔瘦肉湯,4個人食一夜返留湯飯餸.

飯後果茘枝,啤梨,牛油果

飯後趕埋篇blog,睇波瑞典對瑞士.

瑞典贏瑞士1比0.