相當好瞓,懶得就懶,整朝上網,游水600m三人食老麥,花膠800?晚飯4人食.

昨晚11點半都瞓,一覺今早0710醒,收音機塞耳又瞓到8點幾,本都起床,手機懶得就懶,早日觀塘海濱花園,手痕又整條片玩吓,一整成0940才起床.

起來嗱淋梳洗搞早餐上網食.餐後1029量血壓129/72-56,條片完成又whatsapp啲友分享吓.
上網到12點鐘wifi斷線索性關機瞌吓眼睏.
誰知瞌唔著,坐吓又1點鐘,腳痛痛去不去游水好呢?最衰無雨落,唔係就不用諗,醞釀咗好一陣,唉!明天無得游,都係去埋今次.
過到泳池1330,更衣室搞掂一切上池熱身,1352下水,埋頭游600m,1427夠數走人,更衣室搞掂一切,同呀王聊兩句,呀王話昨有人報案,儲物柜畀唔見咗錢,但鎖又未爆過,手銀包都齊,獨係少咗啲錢喎,唉!偷得你手機銀包都無啦?唉!真係乜人都有?傾兩句都走.
返歸樓下至電過老婆,老婆話個女上緊來,等埋一齊下午茶喎?咁就先行返歸.回家1527老婆上緊網,等咗好耐個女還未到,唉!嘥氣,同老婆先落麥記,去到麥記個女亦齊來到,老婆同個女叫餐,合共66蚊.

冷氣涷吃過都趕著要走,惠康買早餐麵包9.9蚊,然後街市買餸,少見有咸豬手咁平?西班牙貨30蚊隻,執兩隻60蚊,跟住街市買菜,粟米兩條9蚊,薑10.8蚊,蕃茄紅蘿蔔同個洋葱合共10蚊.

回家1705見有包花膠大大包?問聲老婆幾錢?嘩?竟然800蚊?有無搞錯買得唔大壇?佢話一斤重,老板娘推介喎,唉!無話可說?

老婆處理煲落湯,料有咸豬手同雜菜,我就上網寫寫blog,唔到一陣老婆就來叫咸豬手起骨,豬手起骨,原來還未夠熟,又要煲多陣才切片,食放雪柜留明天食.

2030開飯,有雜菜湯,辣椒爆雞肉,煎雞蛋,4個人食1夜返留湯飯餸.