失眠未瞓過,膝痛好啲,整日在家,木耳漿,晚飯6人食,飯後賭馬輸30.

昨日隻膝越行越嚴重,回來即時啪消炎藥,到夜瞓本想啪多粒才瞓,但怕同心臟藥相撞,都係無食,11點半鐘食都上床瞓,誰知瞓極唔著,去到成4點鐘都無辦法,索性起來啪消炎藥,返床依然瞓不著,去到臨天光,才叫做瞓著吓?0727老婆醒我都醒,手機無電索性起床.

個仔趕返工老婆同樣,我都無謂爭廚房用,呆坐響梳化,賴到8點多鐘,他們出晒門,我才梳洗搞早餐上網食.
辦妥一切事務0933量血壓128/72-55,繼續上網,1038華仔來電吹水,糖尿覆診喎,進展良好喎,吹輪水收線,
下午腳還是痛,邊度都唔敢去,2點多鐘肚餓,沖杯黑豆粉,食件餅算數,腳痛還未退,又食多粒消炎藥食,以經第三粒.
無所事事,去到4點鐘,不如整救命藥木耳,浸下木耳去到5點鐘才郁手搞.

6點多鐘老婆同個女都買埋餸返,有夜馬我都踱馬仔,7點多老婆才發覺無米,兩母女才上惠康買米.買有德保8公斤64.5元,麥包9.9蚊,還有佢哋啲雪條.
2100老婆煮好飯,4個人食兩留飯餸.

夜賭馬輸30蚊.