半夜鼻水嚴重,呻天光,行公園做運動,富臨下午茶,剪個髮,晚飯4個人食.

昨晚輸完馬11點半鐘都瞓,一覺0400醒,去完個完所後鼻水又湧到,無覺好瞓,不停要呻,就係咁呻到6點多鐘,稍為好點才矇矓到8點多啲鐘醒,千禧年代,民主黨講深水涉開槍案.
聽陣0835起床.卸下大桶廁紙,老婆以起床在廚房搞佢早餐烚蕃薯,我為有著電腦,上網寫寫今早事,0900輪到我來梳洗搞早餐,
餐後老婆電腦,我就手機加電視,新抱蒲頭,原來倆個齊放假?11點多啲鐘,唉!日日坐響企唔係辦法?要外出走走運動吓,老婆見我出街,嗱淋關機跟住來,天氣涼咗老婆見我風褸一度,嗱淋替我摷件薄羽絨出來,然後拐扙篤出門.
慢慢篤去平時坐個公園,去到1125,離遠以經聽到小萍果隻歌仔,原來幾個大媽在跳舞,想話靜靜哋坐吓都唔得?為有走位坐離遠些.

坐陣就開始我從網上學來的甩腳療法.就係一隻腳企高,另隻腳凌空前後揈,每隻做100吓,腳痛無運動幾個月,做來都幾係嘢.
坐輪12點多鐘,走去城河對面老人運動區,揾啲器械做吓.

過到去離遠一望,有無搞錯?整個亭霸晒?地吓鋪埋藍白膠布,看來唔係大媽就係賓傭?行前望真啲?整個亭地亭下鋪晒膠布,三個女人在開餐,一聽口音,他媽的,純正廣東話?香港人?又咪係咁霸道.黑人僧.

老人器械做輪伸展,都不敢過勞,係咁易做陣算,坐輪見到好多萬國兒童經過?又會咁多不同膚色兒童,聽啲細路講嘢,全部流利廣東話,而啲帶隊老師全是香港人,似乎搞啲乜活動.

坐輪兩點多鐘,老婆叫禾輋食意樂,?咁遠腳行C?咪搞?不如飲茶,太耐無來又幾旺吓,坐有9成客?原來無須攞號等位,自由有位入座.
老婆剔點心,兩碗三點,吃過坐夠1530,老婆找數95.5元,又唔太貴?

唉!頭髮長長,一於去剪髮,剪走啲衰氣,經歷源商場行輪超市過好運,這間單剪便利店,用埋我最後一張剪髮卷.
我剪髮老婆行百佳,都知會推銷買剪髮券,我就話券老婆買的,見我咁講?佢都無再向我推銷.唉!成兩三個月才剪一次,無謂慳果幾蚊畀券牽制住.

話咁快剪完個髮,同老婆會合,順著佳寶買有練奶13.9兩罐,蕃薯三磅9.8蚊,再惠康麥方包9.9蚊便搭程車返歸.

返回樓下落車,見馬路對面有消防車,消防員個個拿著滅火拍,看來山仔上便火燭?老婆還有餸未買,我就先行回家.
回家1733個仔同新抱在家,執緊間房,老婆返買有齋鹵味20蚊,豆苗12蚊同老薑10.5蚊.

我就上網寫我今日blog,2133老婆飯妥開飯4個人食.