昨晚早早10點零鐘都瞓,湯水多夜所兩劑,便瞓到今早0733醒,腳痛似乎好啲啲,但拐杖依然,鼻水就一點都無,如常梳洗,之後上上網,寫寫blog,老婆就失眠晨早蒲咗出來,搞早餐搞埋我份,
餐後辦妥一切事務,諗住量血壓,誰知兩次距離大,唉!都係食咗今早藥再算,11點多個女上來,拍醒在瞓細佬,要去辦點事?
老婆家務我就寫寫blog上上網,昅吓未來幾天天氣,嘩!過兩天天氣寒冷,有好幾天捱,
又望吓whatsapp又傳來短片,又係白麵粉,止血,滾水淥,冶燙傷,記得麵粉止血短片都收幾條?真係害死人,萬一真的發生?有樣學樣就死得人多.唉!其實轉發人都有責任.
記得70年在太古工作,工作時用反手鎚,一吓失手,就鎚穿自己個頭,就係聽人講,用煙草來止血?結果被護士閙咗餐,清潔傷口困難.而且會有菌.
1419有人敲門,速遞到,嘩!竟然有塊滑板送來?立即至電有關人士?原來係買嘢送喎?想起滑板就想起當年60年代末,我們都好興玩,當時買塊都好貴,就用爛雪屐加件板來做,後來貴貴都買咗塊,在維園雪屐場都滑咗好一段時期.
1540老婆來電,說她們在大家樂,見我腳痛,說幫我買外賣,1600老婆同兩隻嘢返,買有我26蚊餐,而個女就29蚊餐?
餐後講起電腦慢?究竟路遊器出事定係網絡商有事?實在太耐無理,於是個女至盈科問清楚,原來約滿都好幾年?又唔打鑼又唔通知?結果畀個女媽义咗餐,話你公司咁作風,騙果少少錢就損失個客戶,係自取滅亡.
媽义完5點鐘,兩姐弟出街,老婆就電腦,我就電視.,8點鐘兩姐弟返,老婆係時候煮飯,我才上網寫寫blog.
2108老婆飯熟開飯,4個人食.
沒有留言:
張貼留言