聖誕日,平安無事,睡來還可,膝痛稍好,依然篤篤篤,食大家樂,晚飯我來煮,倆個人食,

昨晚腳痛唔特止,重腰都痛埋,係左邊位置,唔好嚇我大佬?昨夜失眠,又腳痛腰痛,2240都瞓,攤落床諗吓?都係咪搞?叫老婆拿粒消炎藥來,有無效都好,食咗再算.

藥後瞓至1點多,湯水多要去所,之後就瞓近6點鐘醒,又要所,回來就瞓不返LU,捱咗輪收音機賴床,就係咁矇矓到8點鐘醒,感覺腰無痛,膝又似好咗啲,伸展吓確實又無昨日咁嚴重.

賴床成9點鐘起來,梳洗搞早餐,老婆亦起床,又話食麵？咁就自己搞,0915搞掂,芝士蛋麥皮食.上陣網老婆已經來要電腦.
我就辦我事務,昨晚粒消炎藥似有點效?不如就啪多粒.

老婆電腦我電視下1156量血壓137/71-57才食我心臟科藥,無所事事腳痛痛到兩點多鐘個仔放工返,我同老婆都時候下午茶.
趌跛跛的篤著篤著食大家樂,假期晏來有樣好,易有位,老婆豬扒扒米線餐31蚊,我就火鴨米粉餐,豆冰就老婆對掉.

吃過坐夠街市買餸,今晚得我倆個食,買料有薑12蚊斤,秤嚿6蚊,荷豆12蚊斤,半斤6蚊,葱一條送的.

回家1623,老婆織織織,我就上網寫寫blog,稍後新抱,無耐個仔們街街,我就電視睇埋套潛龍在淵煮飯,料有冬菇兩隻,荷蘭豆四両,臘腸潤腸各一,還有幾片火腿.1938煮飯.

一企40分鐘,腳跛跛,企得我頂唔蒲,焗住要担張櫈,坐住來煮.
2047終於飯妥,開飯同老婆兩個食.