睇波,睡可,天氣寒冷,個仔假,氣喘踩轉長廊 ,兩餸飯,晚飯5人食.

2022/12/19   星期一   晴   13C

昨晚世界杯決賽,11點鐘直播法國對阿根廷,飯後睇陣電視就開波,阿根庭廷兩球領先已為贏啦,誰知法國入番兩球,加時下半場阿根廷1球領先,以為捧硬杯啦,誰知又追平?12碼才阿根廷勝,結果成兩點幾鐘才瞓.

一覺今早0737醒,收音機賴床,0855新抱B出門返學,我才起來,氣温13C好似無昨日咁凍?如常烚水搞早餐,0926早餐,老婆才蒲頭.

餐後辦埋件事又11點鐘,才發覺個仔放假,新抱返1150兩公婆齊去接B放學.

1230三口子返,攰攰哋我都入房攤床瞌陣,1點多鐘醒,見都好多天無踩單車?於是乎走去踩番轉.

1402起步,真大鑊?唔知心臟定氣管,踩來氣喘?踩得好辛苦?1430踩到來孖橋,都係咪搞?就孖橋休息陣,坐咗陣繼續踩去長廊.

1443來到長廊第個二亭,氣喘如牛下,坐下係咁扯氣.

坐輪乜都無做,1522回程.

大風下1551返回單車場,至電老婆下來買餸. 

老婆到話上惠康?唉!我唔行得?你自己上.老婆下來後就齊齊街市,還是我坐老婆買,惠康買有牛肉25蚊,三文魚28蚊烏雞34蚊,街市就買三樣菜20蚊,蕃茄20蚊,豬展32蚊同紹菜5蚊,兩餸飯27蚊返歸.

回家1637我都開餐,老婆問惠康有包紅色嘢?我話無見過啵?睇吓張單少咗樣嘢,佢才返回惠康問問?飯後老婆返,果然漏咗響惠康.

飯後我都早點沖涼,1720個仔抱住個B返,個B瞓到淋冧稔,跟住新抱返,我就入房拉床開工,寫我今日blog.

2022開飯5個人食,個仔沖涼留湯飯餸.