7月10日(一)睡可,個仔假,衰豬發燒咳,游水500,食大家樂,第11劑中藥,晚飯用4人食.

2023/07/10   星期一   晴   31C

昨晚12點鐘瞓,夜所兩,3點鐘關冷氣,瞓到今早7鐘醒,賴床8點鐘起床.今日個仔放假,新抱B已蒲頭,一枱面藥水?衰豬發燒喎?見個B又咳又痰,我都愛莫難助?我就如常搞早餐,餐前量血壓148/79-55.

餐後辦埋件事睇電視,睇埋集驪歌行人1130,我都攤床瞌陣,一瞌1240,嗱淋執嘢去游水,落到大堂昅吓信箱?有信係一封有地址無姓名既政府信?拆開一睇原來係個孫女的,於是乎拿回家交過新抱,交後重新出發.拿了單車正準備出發,見頭頂棵龍眼樹,有龍眼好細粒,貪得意伸手摘些體驗吓?相睇就大粒,其實好細粒,得層衣無味?

1311我都起行,1322到泳池,更衣室搞掂一切,今鋪穿埋拖鞋上池,超猛太陽曬到濃,稍熱身1338下水,埋頭游佢500m,1412夠數起水走人.

更衣室搞掂一切,1439離開,返回單車場,他媽的?被人拍咗個車位,無偈為有找過個位.

離開至電老婆食大家樂,過到大家樂1510,大把吉枱,在等期間有對老常客,一個98歲,另個100多歲老人家在爭請客?幾把年紀爭乜鬼吖?在場啲客係咁勸住,而我鄰枱剛好相反,在計較昨日我付錢你還未比返我喎?

稍等老婆到,我就28蚊食個豬扒通餐,老婆7蚊熱檸水,吃過坐過手機過離開上惠康,游完水28級梯差點撐唔掂?惠康無嘢買,返回街市老婆買咗15蚊菜返歸.

回家1630三口子街未返,我都嗱淋沖涼,涼後1728飲我第11劑中藥.

飲埋劑藥我都上網寫寫blog,1849三口子返,買到一袋二袋返,我都縮回房繼續.

2049開飯4個人食,衰豬唔舒服要食白粥.