7月18日(二)睡可,下雨天,廣源老馬呀輝下午茶,半劑中藥,晚飯4人食.

2023/07/18   星期二   雨   30C

昨晚11點零都瞓,打風落雨,風涼水冷,夜所兩,就頻頻起來開窗關窗,今晨0625醒,手機賴床.

8點鐘手機無電起床.起來如常烚水搞早餐,餐前0853量血壓151/78-55,餐後0927再量血壓138/71-60.

量完血壓辦事務,去來可以,新抱B蒲頭,我再返回床唞吓.

話就話瞓陣,但瞓極都唔著?陣晴陣雨到1點鐘,約咗呀輝同老馬兩點鐘廣源邨飲下午茶?都知部804小巴衰,經常爆棚無得上?

1點鐘我都以經出門,都諗住早啲,萬一爆棚就搭程馬鉄,過第一城轉車,等到1316有車到,還好有人下車,就咁18分鐘1334順利上到廣源邨,早到咗就鐘樓下等.

稍等老馬到,同老馬聊到1408,不如入酒樓開定位等,1412呀輝到,無見N年呀輝依然無變?一點都唔覺老到?犀利,呀輝點嘢食,干牛河,油菜芯,腸粉,韭菜餃同燒賣.

邊吃邊傾,傾吓以前偉成同期戰友,都無邊幾個?傾吓旅行,又話9月尾去寧夏,銀川內蒙喎?傾吓新冠,就各有各睇法?呀輝好客氣爭住找數,離開1525.

見時間還早,帶呀輝遊一遊廣源,行落最底,搭程聶上街市,兜個圈所見,好多吉檔?生意難做?1540送呀輝到巴士站就拜拜.

拜拜我同老馬搭804小巴,佢就河畔接孫仔放學,我就直返屋企.

回家1613,老婆,新抱B在家,我都嗱淋沖涼,涼後1713飲我第4劑中藥,聽個女建議飲半劑,諗吓又好啵?就一劑分兩日飲.

藥後寫輪blog,就無所事事,手機睇短片,越睇越有癮?2115新抱開飯4個人食。