8月19日(六)睡可,小昏,與華吹水第一花園,落雨天,茶大家樂,惠康,晚飯4人食.

2023/08/19   星期六   雨  30C

昨晚嚇C,瞓前11點鐘量血壓,心跳量極幾次都係43?不知是否冷氣下,凍到心臟也慢下來?

11點幾鐘瞓,夜所一劑,3點半鐘關冷氣,瞓到今6點多鐘醒,手機無電平板賴床,8點半鐘起,頭以無咁昏?回想幾次都係游完水,翌日特別頭昏?莫非過累而引起?

起來如常烚水搞早餐,0929餐前量血壓146/75-53,

餐後老婆蒲頭,我亦辦我事務,辦來又幾好啵?辦完件事個B蒲頭,衰豬慢熱,嬲爆爆?我都費事理你,走入房攤床瞌吓.

瞌極唔著無辦法?11點零至電過華仔,諗住吹吓水?誰知話正在經過我樓下?問去邊?話踩單車去威院抽血喎?叫抽完血吹水喎?見百無聊賴都好,老地方等?

1145諗住早些出門,帶埋鎅刀同機油,諗住綁在單車上個後備seat位,膠袋包住日曬雨淋都好耐?大概臭都似?諗住拆下來,洗番乾淨才找地方放,單車就諗住加加機油.

12點鐘過到老地方,拆下個後備seat,廁所洗緊,華仔已經到咗,來到就椅坐吹水,坐下冇耐大雨以經殺到,同華仔換過有蓋椅坐,大雨到要坐上椅背頂,一吹粒多鐘無雨,未及兩點鐘走人.

離開返回單車場1359,下午茶無咁早,都係返歸,回家兩點多啲鐘,新抱B還在家篤個B做功課,老婆就梳化閉目聽電視?

去到成3點鐘,同老婆才出門下午茶,可能落雨天氣涼咗?大家樂有枱有冷氣?我就33蚊食個咖哩豬皮魚蛋碗仔翅餐,加5蚊咸檸冰掛?老婆依然7蚊熱檸水.

吃過坐夠上惠康,28級梯上來吃力?老婆54蚊執兩排泰國大蛋走人.

無須買菜返歸1653,跟住個仔返,買有麥餐食,我都有點肚餓,就麥芽糖搽餅食,吃過挨輪梳化,瞌咗陣才沖涼,涼後睇輪新聞,母女才返,我才入房拉床寫寫blog,上上網.

夜2115新抱開飯4個人食.