11月27日(一)睡好,神差,個仔假湊B,新滑鼠啟動,茶大家樂,補茶半劑,晚飯4人食.

2023/11/27   星期一   晴   23C

昨晚如常早瞓,夜所兩劑,就今早7點多醒,手機賴床,0812衰豬瞓未醒,入來把上來,佢娘叫住才返回出去,

賴床9點鐘起床,如常搞早餐,老婆蒲頭烚水兼洗晾,1009早餐.

餐後睇電視倚天,1120老婆又話過大圍買魚,出門前叫醒放假個仔,記緊湊B放學.

1130睇埋集倚天,終於大結局,睇完就辦事務,1150個仔出門湊B,辦畢我都入房床攤唞吓,攤前揾華仔吹吹水.

1230老婆返買有魚70蚊,烏雞隻45蚊,青口28蚊,筷子筒15蚊,同我買兩粒AAA電芯返,跟住個仔湊B返,老婆回來立即處佢中午餐晏,個仔就買有炒麵同個B食.

老婆兩粒電芯返,就立即試吓隻滑鼠?藍芽鍵盤連滑鼠買來幾日,鍵盤就衰咗,义不到電?滑鼠就無電芯試?廿零蚊貨仔,唉!無乜期望.

唉!試極都唔得?都諗住掉得,好彩個仔入來幫我試試?原來滑鼠都要連線?鍵盤衰咗,好彩都有個滑鼠玩吓.

本來諗住今日去游水,搞兩搞又1點幾鐘?唉!都係唔去,1323老婆開餐,個仔就篤B做功課.

1343父女出門會合放工老婆,1520同老婆大家樂下午茶.

28蚊食個米粉餐,老婆7蚊熱檸水,吃過坐夠惠康麵包13.5蚊,街市買56蚊豬展同瘦肉返歸.

回家1709,老婆處理佢晚餐,我就沖我補藥,補藥食來食去差不多?下來半包半包食算,1726食我第4劑半包算.

1923老婆開餐.

1930三口子買有外賣飯餸返,衰豬瞓咗佢老豆抱住返,一放低梳化以經醒,醒就問佢啲扮靚嘢?跟住佢娘篤佢做功課,我都入房拉床平滑鼠板寫寫blog.

2040開飯4個人.

11月26日(日)搞機失眠,個B合唱團,整日在家,茶大家樂 贏馬472.5元,晚飯4人食.

 2023/11/26   星期日   晴   23C

昨晚差不多12點鐘瞓,1點多啲鐘醒去所,回來搞搞個迷你鍵盤,唉!都唔得嘅?原來义不到電,搞搞試試成兩點幾才瞓,唉!夜咗又瞓唔著?捱咗好耐才瞓返,8點鐘正式醒,手機賴床.

9點鐘起來,如常烚水搞早餐,老婆蒲頭,0958早餐.

餐後新抱B蒲頭,我又睇吓個迷你鍵盤,唉!都係唔得?開著機义,關住機义,都係唔得,插住用就得,下來為有做有線鍵盤.

1215母女出門個B合唱團,1245馬又開跑,1303老婆開餐,

鍵盤唔掂就踱馬仔,第二場2號氣勢有贏晒之勢?10蚊買口孖寶玩吓,下一場就由最冷來諗,踱咗輪,就要隻次冷澳華威威啦,倍率有7百多元,哈哈果然被我搞掂,派502.5元。

下來就唔識賭?睇跑到3點鐘,同老婆大家樂下午茶,我就39蚊食個蕃茄會蛋牛肉飯,老婆7蚊熱檸水.

吃過坐夠上惠康,28級梯撐來勉強,惠康無嘢好買,街市老婆買薑同蒜頭13蚊,帶子50蚊返歸.

回家1633,馬還有3場,先來烚水沖我第3劑補茶.

1724茶後就跑第8場,第9場最後口孖寶,見贏咗錢?就整20蚊玩吓,一拖二孖寶,頭關已經玩完.

玩完早點沖涼,涼後入房睇電視,1822三口子返,下來佢哋有佢哋忙,失眠我望住電視瞌番陣.

2111開飯4個人食.

11月25日(六)睡好,精神稍好,老婆沙田街市,整日在家,茶大家樂,淘宝到褸鍵盤,晚飯4人食.

 2023/11/25   星期六   晴   22C

昨晚11點前瞓,夜所三劑,今早7點鐘醒,賴床8點半鐘起床.新抱B老婆陸續蒲頭,我就如常烚水搞早餐.

衰豬起來掛住玩,三推四請都唔洗面擦牙去所,到擦牙舊牙膏未用完,係都要開新的,唔比就係咁扭,係咁喊,嫲嫲堅決唔比,佢娘唔比下終於屈服,0932早餐.

1035母女出門石門上英文班,我就辦埋件事,11點鐘老婆又話出門去買魚,無所事事我,不如執執自己個枱面,唔郁由自可?稍為郁吓條腰痛過鬼?

執過𧙕過1155老婆買魚返,去咗沙田街市買喎?買有八爪魚仔30蚊,鱸魚條25蚊同條倉魚30蚊,回來就處理佢午餐,1312老婆開餐.

1350母女返,佢娘唔舒服買成藥返,食過成藥就篤B做功課,精神唔好我就入房床攤瞓吓,但始終瞓唔著?

去到3點鐘係時候下午茶,還以為我倆老去,誰知要帶埋個B去,佢娘想瞓吓喎?咁就來個協定,茶後不去遊樂場.

1510出門,落到大家樂,個B就食咗嘢返,咁就要個义瀨餐加雞翼40蚊,老婆7蚊熱檸水,合共44蚊.

餐未到個B又徵用我部手機,餐到我就雞翼拆骨起肉個B食,我就义燒瀨餐,餐前拍張照先?衰豬就整古做怪?

吃過坐夠返歸,返到樓下我就撩吓個衰豬,我話瀡滑梯囉,衰豬高興到飛起,嫲嫲即時話,講過乜呀?衰豬當堂扁晒咀返歸.

回家1638,佢娘瞓咗,冇耐個B老豆返,我都早點沖涼,涼後1718飲我第二劑補茶,茶後寫寫我今日blog.

1820新抱買餸返,帶有淘宝料返,有我件風褸同我個迷你藍芽鍵盤連滑鼠,新抱話送畀我喎,好,咁就多謝先,個B當然唔少嘢啦,多條靚靚公主裙.

風褸就試過,又幾好,鍵盤就要差電?

2112開飯4個人食.

11月24日(五)睡好有夢,衰豬還心願,踩轉馬鞍長廊,精神差第一劑補茶,晚飯4人食.

2023/11/24   星期五   晴   24C

昨晚11點半鐘瞓,昨晚又粥又湯,夜所三大劑,才今早7點半醒,睡好,感覺都係有夢?0845起床.

新抱B老早出門,約咗同學仔共早餐喎?講咗好幾日都係唔知醒,今鋪終於還佢心願,洗個面搞早餐,0935早餐.

餐後辦埋件事,睇電視倚天,睇完集倚天精差,我都入房攤床瞌吓,瞌極唔著走咗去煲劇,1307老婆開餐,番熱隔夜湯,我就食碗,

自從11月13游過水,至今11日都無運動過,都要郁吓,水無得游就踩單車,以往一樣踩轉馬長廊,踩不到兩步,華仔就來電吹水,一吹廿多分鐘.

1453來到長廊第一個亭坐,

上吓網寫吓blog,一坐1549才回程,

返回單車場1617,老婆下來買菜喎?街市買有菜芯18蚊同蕃茄18蚊返歸,

回家1640,我都嗱淋摷碗冷飯,椰菜,蕃茄同隻蛋,一於煎蛋炒飯同沙糖蕃茄,1709開餐,餐後1749沖杯補茶.,

開餐期間新抱B返,茶後我都早點沖涼.輪到個B老豆返,個B佢娘篤做功課,做兩做眼瞓瞓咗,我都入房拉床寫寫blog,

2008叫開飯,個B叫醒喊餐C,氹咗輪才掂,開飯4個人食.

11月22日(三)失眠,老婆惠康,石門富臨下午茶,攞回鄉證,晚飯4人食,夜馬輸10蚊.

2023/11/22   星期三   晴   23C

昨晚出埋編blog11點半鐘瞓,夜所一劑0440醒所,所後就瞓不返,捱咗輪,為有開wifi上網,上輪網瞌咗陣,7點鐘醒手機賴床.

0850起來,新抱B忙返學,0855返學後我才烚水搞早餐,0931早餐,餐,期間老婆突然話落街買嘢?

餐後辦埋件事老婆返,原來上咗惠康,才醒起今日星期三有折,買有牛肋條兩包108蚊,泰國大蛋兩排48.6蚊,黑胡椒28.8蚊.

我就辧埋件事睇電視,睇埋集倚天又1130,失眠關係走入房床瞓,1150老婆出門接B放學.

1225嫲嫲接B返,嫲嫲回來就處佢中午餐,又翻熱燒賣個B食,個B回來就玩過不停,我就同B講,想過石門就快啲做功課?

1239個B燒賣開餐先,1258就嫲嫲開餐,又預個B一隻烚蛋,餐後嫲嫲篤B做功課,瞓唔著我為攤床平板睇youtube.

去到兩點幾鐘,個B來話做完功課喎?嫲嫲話做咗啲,有啲要等佢娘回來教喎?

咁就起程啦,衰豬八達通唔知去咗邊,原來佢娘帶咗返工,無就買過張.

過到馬鐵站,嫲嫲買過張,買後嫲嫲怕個衰豬唔識用?於是幫佢入票,好衰唔衰嫲嫲跟住一齊入閘,變咗嫲嫲無嘟就入咗閘,又要勞煩工作人員幫忙,搞掂入閘衰豬又唔乘扶手梯,走去撐樓梯,搞到嫲嫲要跟佢撐樓梯.

過到石門剛好1500,

l

個B帶路瑞京二期揾佢呀娘,找到佢呀娘拿回個B八達通,跟住上多層富臨皇宮下午茶.

去到1506,坐下剔咗4個點芯,有牛腸,生煎包,潮州粉果同蝦餃,點芯未到個B就要手機,吃過坐夠老婆找數119元離開.

離開就上26樓攞回鄉證,上到去一問,個職員幫張單掃條碼,跟住叫過對面部機,又唔講又唔說?要問才幫我插張舊回鄉證入機,跟住張舊證退回出來,打咗兩個0隆,冇耐張新證就吐出來,咁就攪掂晒.

離開返回一樓,衰豬唔捨得走,係都要玩機,差點要佢娘出馬才離開,1627終於離開瑞京二期,馬鐵返歸,

返回屋企馬鐵站,張樂悠還未啟動,於是走去站頭,諗住取消舊長者八達通咭,餘額撥過去樂悠咭度,站職員話這裡資料無得過,萬一有消費券就麻煩,要我過大圍站部機,才可以連資料過咭喎?見咁情況都係唔搞住,一於兩咭並用,樂悠咭充值算數.

搞掂離開返歸,衰豬又唔願返歸住,要去遊樂場玩喎?好同你玩陣,過到本邨遊樂場,衰豬玩到1720才返歸.

回家1725,個B老豆已經返咗來,個B功課還未做晒,由佢老豆來篤B做,我就早點沖涼,涼後寫寫blog.

7點鐘見夜馬又差不多開跑,食開條水,見潘頓有3.4倍,騎師王又整10蚊玩吓,跟住新抱返,話太夜買外賣算喎,無問題吖.2028開飯4個人食.

騎師王10蚊輸埋.

11月19日(日)嚴重失眠,母女教會,整日在家,烏烏吓,有馬無賭,晚人齊食燒烤,恐龍公園玩餐,提前生日快樂切蛋糕.

2023/11/19   星期日   晴   20C

昨晚寫輪回憶錄成12點才瞓,睡極都唔入眼,喉嚨痕咳,以為含片薑止吓?誰知係唔得,又起來摷片炙甘草含,叫做止得吓,但都係瞓唔著,法寶盡出全無辦法,係咁閉目一直捱,到6點零鐘,才醒吓瞓吓,到8點鐘手機賴床,0850起床.

起來冇耐新抱蒲頭,個B蒲頭,在忙去教會,我就如常烚水搞早餐,早餐搞掂,部血壓計唔掂,量極都唔得?谷鬼氣0946食早餐,才慢o慢再量.

1030母女出門教會,餐後辦埋件事又12點鐘.瞌陣眼瞓馬又開跑,踱吓馬仔都係唔識賭?

4點鐘母女返,買有點心返,母女開餐,1610輪到B老豆返,出馬少無乜好賭,失眠我又上床瞌吓.

去到5點幾鐘,齊齊過好運中心.

1804來這間牛角燒烤食放題,個女呀偉已到.

一燒一食1948走人.

離開個B帶路去恐龍公園,衰豬又幾醒,無帶錯,去到人多唔多,氣氛熱閙啱好,又玩一大輪2057才走,

離開公圍,回家2133,提前做生日,生日快樂,切蛋糕.

11月18日(六)睡可有夢,情況好轉,新抱B野餐,游水500m,茶大家樂,惠康,街市,晚開餐4個人食.

2023/11/18   星期六   晴   20C

昨晚11點鐘瞓,夜所兩劑,就今晨6點醒,收音機下矇矓到8點鐘,手機賴床,9點鐘起來.

睡來可以,都係有點夢,新抱B已蒲頭,星期六有節目,同學仔家長們野餐喎?忙早餐忙出門,我就早餐烚水慢慢來,1021我才早餐,1040母女出門.

餐後辦事不力,已經11點鐘,又走床躝吓,結果一眼都瞌不著,1230起來,執嘢去游水.

1309到泳池,更衣搞掂一切,池面熱身,星期六特別多人,又教水習泳,成50人多,1328下水,100m100m的游,湊夠500m,1408起水走人.離開泳池1436,返回單車場1450.

至電老婆食大家樂,1512老婆到,叫個蕃茄牛肉薈蛋炒飯餐39蚊,老婆7蚊熱檸水,吃過坐過一傾成4點幾鐘上惠康,買有1KG麥皮20蚊,鮮奶4包20蚊,肩胛雪花牛肉40蚊走人.

離開街市買菜,生菜,芥蘭同菜芯20蚊,豬展44蚊,淮山沙參玉竹125蚊同墨魚仔5蚊走人. 

回家1651,老婆處理煲落藥材老火湯,我就上網寫寫今blog,5點多鐘個仔返.

1825新抱B返,個B回來又有新戲服,亞拉丁喎?即時又穿來威威,我就睇埋6點半新聞,都收機入房繼續.

2113叫開飯4個食.有嫲嫲煲藥材豬展湯老火,還飽我食些少算.

11月17日(五)重失眠,個B叫早晨,頭昏似轉癒,中午扭紋粉,整日在家,晚飯4人食.

2023/11/17   星期五   晴   20C

昨晚凍凍哋10點鐘以經上床備瞓,一覺0215醒,就瞓不返,夜所兩劑就未瞓過,閉目下捱至今早8點多鐘,手機賴床,0845新抱B返學,已經出到門口,衰豬突然走番轉頭,入來同爺爺嫲嫲講拜拜. 

拜拜後賴床9點鐘起床,成晚無瞓過又唔覺得點?如常烚水搞早餐,10點鐘早餐,老婆才蒲頭.

餐後辦埋件事睇電視,睇完集倚天又1130,老婆處理好餸料,1150出門湊B放學,我就至過華仔吹吹水.

1225嫲嫲同個B返,回來嫲嫲搞佢同個B午餐,1點鐘三人開餐,我同B食扭紋粉.

餐後個B玩陣就嫲嫲篤住做功課,我就攤床瞓吓youtube聽歌,聽輪歌瞌唔極著,3點鐘起來,衰B還在功課,等到成3點半鐘才出得門.

個B係都要踩單車,我都諗住唔去下午茶,就讓佢球場仔踩吓算,老婆就去買餸,衰豬落到去踩咗陣就玩滑梯,玩到嫲嫲買餸返,買有麵包14.5蚊,白蘿蔔8蚊,椰菜7蚊,麵包三隻14蚊,蜆20蚊同瘦肉23蚊,老婆到玩多陣就返歸.

回家1623,買來三隻麵包,個B一隻我兩隻,吃後個仔返跟住新抱返,佢兩返我都早點沖涼,涼後昨夜大失眠,我都入房拉床瞓陣.

8點多鐘醒,才上 龬寫寫blog,2052開飯4人食.

飯後準備睡前一切,10點鐘已經上床待瞓.

11月16日(四)睡好,頭昏好轉,醫療車睇醫,午扭紋粉,整日在家,晚飯4人食.

2023/11/16   星期四   晴   25C

昨晚12點鐘瞓,夜所一劑,就今晨0621醒,收音機下半賴瞓,0750手機賴,0815起床.

好瞓咗頭亦無咁昏,新抱B在忙返學,0845出門後我烚水搞早餐,0920早餐,老婆蒲頭,0940就出門幫我醫療車攞籌.

餐後0958老婆攞籌返,嘩!輪到1230籌,老婆返我辦埋件事睇電視,睇完集倚天又1130.

等多陣1150就同老婆齊出門,佢去湊B放學,我就醫療車等睇醫生.

去到醫療車1255,已經有好幾個在等睇醫生,𥄫吓各人啲籌,最後係我,等到1216嫲嫲湊B到,冇耐就輪到,唉!同醫師都係嗰幾句舊對白,之後把過兩手脈,望過條脷,話同你落重啲藥喎?我話比7日藥好喇,咁就盛惠醫療劵245元.

離開1227,同個B遊樂場玩陣1246都返歸.

回家1250,嫲嫲處理佢午餐,同煮我倆扭紋粉,1337老婆開餐,我同個B食扭紋粉.

吃後嫲嫲篤B做功課,我就入房平板睇youtube.

衰豬又幾乖啵?好快做妥功課,重主動比我睇,寫得又幾靚,功課做完又掛住劃畫,大杏仁食晒,我就打大杏仁,打妥1545.

打妥累累哋我就走去床瞌陣,1640嫲嫲話去買餸,跟住個B老豆返,1705嫲嫲新抱齊返,嫲嫲買有魚70蚊,雞扒68蚊,牛扒88蚊.

人齊返我都早點沖涼,涼後入房攤床睇電視,1922老婆開餐.

2056輪到新抱開飯,4個人食.

飯後凍凍哋,嗱淋準備睡前一切,10點鐘未夠以經上床備瞓.